Aqtaýdaǵy GM-172/6 mekemesinde sottalǵandarǵa arnalǵan jataqhanalardyń biri qulady, dep habarlaidy "Ult aqparat" IIM Qylmystyq-atqarý júiesi komitetiniń baspasóz qyzmetine silteme jasap.
Búgin saǵat 16.00-de (Nur-sultan ýaqyty boiynsha) Mańǵystaý oblysy boiynsha QAJ departamentiniń GM-172/6 mekemesinde sottalǵandarǵa arnalǵan jataqhanalardyń biriniń eki qabatty ǵimaratynyń ishinara qulaýy oryn aldy.
Qazirgi ýaqytta oqiǵa kezinde jataqhana ishinde 10 adam bolǵany anyqtaldy, olardyń 9-y qaýipsiz jerge shyǵaryldy.
Nátijesinde 2 adam alǵan jaraqattarynan qaitys boldy. Zardap shekkender aýrýhanaǵa jetkizildi.
Mekemede TJD avariialyq-qutqarý brigadasy, politsiia departamentiniń, prokýratýranyń qyzmetkerleri jumys istep jatyr. Arnaiy tehnika tartyldy. Taǵy 1 sottalýshyny izdeý boiynsha jumystar júrgizilýde.
Qylmystyq atqarý júiesi komitetinde 8 (7172) 72-30-40 (Nur-sultan), 8-776-677-80-77 nómirleri boiynsha sottalǵandardyń týystary úshin táýlik boiy koll-ortalyq uiymdastyryldy.
Ishki ister ministriniń orynbasary Arystanǵani Zapparovtyń basshylyǵymen arnaiy komissiia quryldy. Oǵan QAJ komitetiniń basshylyǵy, ulttyq aldyn alý tetiginiń qatysýshylary kirdi. Komissiia músheleri oqiǵanyń mán-jaiyn anyqtaý úshin oqiǵa Aqtaýǵa ushyp ketti.
Atalǵan fakti boiynsha sotqa deiingi tergeý bastaldy. Qyzmettik tekserý júrgizilýde.
Jaǵdai IIM basshylyǵynyń erekshe baqylaýynda.
