Aqtaýda orys tilinde sabaq beretin muǵalimder jetispeidi. Ózekti másele qaladaǵy 25 memlekettik, 8 jekemenshik jáne 1 keshki mektepti túgeldei qamtidy, dep habarlaidy "Ult aqparat" qalalyq bilim bólimine silteme jasap.
Mektepterdiń kóbinde bastaýysh synyp, fizika-matematika, orys tili men ádebieti boiynsha 2-3 oryn bos tur.
Qalalyq bilim bólimi zeinetke shyqqan ustazdarǵa jáne qazir jumys jasap júrgen muǵalimderge qosymsha saǵat júkteme berý arqyly tyǵyryqtan shyǵýǵa tyrysyp jatyr.
Sondai-aq ózge aimaqtardan JOO bitirgen jas mamandar shaqyrtýmen kelip jatyr.
«Qalamyzǵa, óńirimizge jaqyn batys aimaqtardan muǵalimderdi shaqyrtý jumystary byltyrǵy oqý jylynan beri júrgizilip kele jatyr. Byltyrdyń ózinde 25 maman shaqyrtyldy. Biylǵy oqý jylynda sol 25 maman bilim bólimine qarasty damytý ortalyǵy balansyndaǵy 31b shaǵynaýdan 25-ǵimarattaǵy jataqhanaǵa ornalastyryldy. Bul jumys is-shara josparyna sáikes ári qarai jalǵasady», - deidi Aqtaý qalalyq bilim bóliminiń sektor meńgerýshisi Baǵdat Turǵanbaeva.
Bolashaq ustazdardy qoldaý sharalary biyl da jalǵasady.
Ótken jyly Mańǵystaý oblysy ákiminiń grantymen 39 jas túlek joǵary oqý ornyna tússe, onyń 16-sy pedagogika mamandyǵyn tańdaǵan.
