Foto: lada.kz
Mańǵystaý oblystyq aýrýhanasynda emdelip jatqan naýqas ekinshi qabattan qulap, zardap shekti. Er adam esikti syndyryp, dálizge júgirip shyqqan, sodan keiin baspaldaqtan sekirip ketken, - dep habarlaidy Tengrinews.kz saity Lada.kz saityna silteme jasap.
Er adamnyń shyntaq býynyna ota jasalýy kerek bolǵan.
"1969 jyly týǵan naýqas 6 naýryzda kelip tústi, shyntaq býyny shyǵyp ketken. Narkozben shuǵyl túrde shyntaq ornyna salyndy. Naýqasqa qolynyń isigeni basylǵan soń operatsiiadan keiin ota jasaý josparlanǵan. Jaraqat aýrýhanaǵa túskennen úsh kún buryn bolǵan. Naýqas ishimdik ishkenin joqqa shyǵarǵan joq", - dedi Mańǵystaý oblystyq kópsalaly aýrýhanasy ókilderi.
Oqiǵa 10 naýryzda tańerteń operatsiia josparlanǵan kúni bolǵan.
"Tańerteń kezekshi dáriger teksergen. Kezekshi dárigerdiń aitýynsha, saǵat 07:15-te er adam travmatologiia bóliminiń áinek esigin syndyryp, dálizge júgirip shyqqan, sodan keiin ekinshi qabattan sekirip ketken", - dep habarlady Mańǵystaý oblystyq aýrýhanasy.
Dárigerler er adamnyń galliýtsinatsiia nemese alkogolden mas bolý sebepti psihomotorly qozý saldarynan ekinshi qabattan qulaǵanyn joqqa shyǵarmaidy.
"Jaraqat alǵan naýqastyń jaǵdaiy turaqty aýyr, ol jansaqtaý bóliminde jatyr. Qulaǵan kezde er adamnyń oń jambasy synǵan", - dedi meditsinalyq mekeme mamandary.
Sondai-aq, aýrýhana ókilderi tergeý júrip jatqanyn aitty.
