فوتو: lada.kz
ماڭعىستاۋ وبلىستىق اۋرۋحاناسىندا ەمدەلٸپ جاتقان ناۋقاس ەكٸنشٸ قاباتتان قۇلاپ, زارداپ شەكتٸ. ەر ادام ەسٸكتٸ سىندىرىپ, دەلٸزگە جٷگٸرٸپ شىققان, سودان كەيٸن باسپالداقتان سەكٸرٸپ كەتكەن, - دەپ حابارلايدى Tengrinews.kz سايتى Lada.kz سايتىنا سٸلتەمە جاساپ.
ەر ادامنىڭ شىنتاق بۋىنىنا وتا جاسالۋى كەرەك بولعان.
"1969 جىلى تۋعان ناۋقاس 6 ناۋرىزدا كەلٸپ تٷستٸ, شىنتاق بۋىنى شىعىپ كەتكەن. ناركوزبەن شۇعىل تٷردە شىنتاق ورنىنا سالىندى. ناۋقاسقا قولىنىڭ ٸسٸگەنٸ باسىلعان سوڭ وپەراتسييادان كەيٸن وتا جاساۋ جوسپارلانعان. جاراقات اۋرۋحاناعا تٷسكەننەن ٷش كٷن بۇرىن بولعان. ناۋقاس ٸشٸمدٸك ٸشكەنٸن جوققا شىعارعان جوق", - دەدٸ ماڭعىستاۋ وبلىستىق كٶپسالالى اۋرۋحاناسى ٶكٸلدەرٸ.
وقيعا 10 ناۋرىزدا تاڭەرتەڭ وپەراتسييا جوسپارلانعان كٷنٸ بولعان.
"تاڭەرتەڭ كەزەكشٸ دەرٸگەر تەكسەرگەن. كەزەكشٸ دەرٸگەردٸڭ ايتۋىنشا, ساعات 07:15-تە ەر ادام تراۆماتولوگييا بٶلٸمٸنٸڭ ەينەك ەسٸگٸن سىندىرىپ, دەلٸزگە جٷگٸرٸپ شىققان, سودان كەيٸن ەكٸنشٸ قاباتتان سەكٸرٸپ كەتكەن", - دەپ حابارلادى ماڭعىستاۋ وبلىستىق اۋرۋحاناسى.
دەرٸگەرلەر ەر ادامنىڭ گالليۋتسيناتسييا نەمەسە الكوگولدەن ماس بولۋ سەبەپتٸ پسيحوموتورلى قوزۋ سالدارىنان ەكٸنشٸ قاباتتان قۇلاعانىن جوققا شىعارمايدى.
"جاراقات العان ناۋقاستىڭ جاعدايى تۇراقتى اۋىر, ول جانساقتاۋ بٶلٸمٸندە جاتىر. قۇلاعان كەزدە ەر ادامنىڭ وڭ جامباسى سىنعان", - دەدٸ مەديتسينالىق مەكەمە ماماندارى.
سونداي-اق, اۋرۋحانا ٶكٸلدەرٸ تەرگەۋ جٷرٸپ جاتقانىن ايتتى.
