Jelide Mańǵystaý oblysynda mysyqtyń balasyn biik qorshaýdan laqtyrǵandardyń videosy tarady, - dep habarlaidy Tengrinews.kz.
Videony jergilikti telegram-arnasyna jazylýshylardyń biri joldaǵan. Videodan belgisiz er adamnyń mysyqtyń marǵaýyn qolynda ustap turǵanyn kórýge bolady. Keiin ol bar kúshimen ony qorshaýdan asyryp laqtyryp jiberedi.
Polisia.kz Telegram-arnasy mysyqty laqtyrǵan adamnyń jeke basy anyqtalǵanyn habarlady. Mysyqty laqtyrǵan Mańǵystaý oblysynyń 14 jastaǵy turǵyny bolyp shyqty. Ol mysyq taýyǵyn ruqsatsyz jep qoiǵandyqtan jazalaǵanyn jáne videoǵa túsirip alǵanyn aitqan.
"Atalǵan derek boiynsha jasóspirimniń ata-anasyna Qazaqstan Respýblikasy ÁQBtK-niń 127-babynyń 1-bóligimen "Tárbie jáne (nemese) bilim berý, quqyqtaryn jáne quqyqtaryn qorǵaý mindetterin oryndamaý" ákimshilik hattama toltyryldy. Jasóspirimmen jáne onyń zańdy ókilderimen profilaktikalyq áńgime júrgizildi", - delingen habarlamada.
