© Sputnik / Kamshat Abdiraiym
Aqtaýda bir top áiel qala ortalyǵyndaǵy joldy jaýyp tastady – olar jaldap turýǵa berilgen baspanany jekeshelendirýge ruqsat berýdi talap etken. Bul týraly Mańǵystaý oblysy ákimdiginiń baspasóz qyzmeti habarlady, dep jazady Sputnik Qazaqstan.
Mitingige qatysýshylar buryn Aqtaýda jalǵa beriletin baspana alǵan Jańaózen qalasynyń turǵyndary bolyp shyqty.
Olar buǵan deiin ákimdikten osy baspanany jekeshelendirýge ruqsat berýdi talap etken. Oblys ákimshiligi Qazaqstannyń qoldanystaǵy zańnamasy buǵan jol bermeitinin túsindirgen. Komissiia qurylyp, oǵan narazy turǵyndar shaqyrylypty. Búgingi tańda komissiianyń eki otyrysy ótip, aitylǵan talaptardy zerdeleýde.
Osyǵan qaramastan 8 aqpan kúni keshke Mańǵystaý oblysynyń ákimdigine ondaǵan narazy áiel kelip, komissiia otyrysyn jalǵastyrýdy talap etti.
Quqyq qorǵaýshylar narazylyq bildirýshilerge olardyń áreketi qoǵamdyq tártipti buzyp jatqanyn túsindirdi. Politseiler biraz ýaqyttan keiin joldy ashty.
