Aqtaýda kásipker monitoringtik toptyń jumysyna kedergi keltirip, shý shyǵardy, dep habarlaidy "Ult aqparat".
Reid kezinde jaraqat alǵandar da bolǵan.
Ákimdik qyzmetkerleri jergilikti politsiia qyzmetimen jáne «Nur Otan» partiiasynyń depýtattarymen birlesip, Mańǵystaý oblysynyń bas memlekettik sanitarlyq dárigeri qaýlysynyń sanitarlyq-epidemiologiialyq talaptaryn saqtaý maqsatynda 20 kásipkerlik nysanǵa reid júrgizdi. «N2O» túngi klýby, «Bad Toro» bary, «Gan-fan», «Sultan Pasha» jáne «Altyn ǵasyr»meiramhanalary tekserýden ótken joq. Sebebi, bul jerdiń ákimshileri monitoring top ókilderimen janjaldasyp, shý shyǵarǵan.
«Mekemeler sanitarlyq dárigerdiń qaýlysyn óreskel buzǵan. Adamdar kóp jinalǵan. Sondai-aq maska rejimi men áleýmettik qashyqtyq buzyldy. «N2O» túngi klýbynda kásipker qarsylyq kórsetti. Sodan keiin depýtattar Aqtaý qalalyq máslihaty depýtattarynyń denesine zaqym keltirgeni jáne múlkine ziian keltirgeni úshin mekeme ákimshiligine resmi ótinish jazdy», - dep habarlady qala ákiminiń baspasóz qyzmeti.
Ákimdik jáne politsiia qyzmetkerlerimen qajetti foto jáne beinematerialdar jinalyp, aktiler toltyryldy.
«Biz qala turǵyndary men kásipkerlerin barlyq qajetti sanitarlyq normalardy ustanýǵa jáne azamattar aldyndaǵy áleýmettik jaýapkershilikti saqtaýǵa shaqyramyz», - dep eske saldy ákimdiktiń baspasóz qyzmeti.
