Aqtaýda kólik ieleri janarmai quiý beketterinde suiytylǵan gaz tapshy ekenin aityp shaǵymdandy, dep habarlaidy Lada.kz.
Aqtaýlyqtardyń aitýlarynsha, qaladaǵy janar-jaǵarmai quiý beketterinde birneshe ondaǵan kólik keptelip, kezek paida bolady. Olar gazǵa qol jetkizý úshin saǵattap kútýge májbúr eken.
"Munai óndiriletin qalada mundai jaǵdaidyń bolýy ábestik. Dostarymmen túnde birneshe janarmai quiý beketterin araladyq, ainalada kezek toly. "LPG Trade" JShS gazdy talonmen beremiz deidi. Ol talon kimder bar?", – dedi júrgizýshi Samat.
