Aqtaý qalasynda kólik eki balany qaǵyp ketti. Olardyń bireýi aýrýhanada kóz jumdy, dep habarlaidy Sputnik Qazaqstan Mańǵystaý oblysy politsiia departamentiniń baspasóz qyzmetine silteme jasap.
2022 jyly 29 qarashada saǵat 13:15 shamasynda 102 kezekshi pýltine Aqtaý qalasy 31"A" men 31"B" shaǵyn aýdandar aralyǵyndaǵy tas jolda oryn alǵan jol-kólik oqiǵasy jóninde habarlama tústi.
"Nissan X-Terra" avtokóliginiń júrgizýshisi jaiaý júrginshiler jolaǵy joq jerden ótip kele jatqan 5 jáne 6 jastaǵy eki qyzdy qaǵyp ketken. Kámeletke tolmaǵandardyń qasynda jaiaý júrginshiler ótkelinen ótken kezde biriniń anasy bolǵan.
"Eki jasóspirim Mańǵystaý oblystyq balalar aýrýhanasyna jetkizildi. Bul fakt boiynsha tergeý amaldary júrip jatyr. Ózge aqparat tergeý múddesi úshin jariia etilmeidi", - dep habarlaidy PD baspasóz qyzmeti.
