Mańǵystaýda Pravoslav hristiandarynyń merekesine bailanysty teńiz jaǵasynda jappai sýǵa túsý rásimine shekteý qoiyldy, dep habarlaidy "Ult aqparat" oblystyń Din basqarmasyna silteme jasap.
Din basqarmasynyń basshysy Maqsatbek Mahanbetovtyń málimetinshe, bas sanitar dárigerdiń qaýlysyna sáikes jappai sýǵa shomylý rásimine shekteý qoiylǵan.
«Aimaqtaǵy epidemiologiialyq jaǵdaiǵa bailanysty Mańǵystaý oblysynyń Bas sanitarlyq dárigerdiń 2021 jylǵy 8 qańtardaǵy № 1 «Mańǵystaý oblysynyń aýmaǵynda koronavirýs infektsiiasynyń aldyn alý týraly» Qaýlysynyń 6-tarmaǵy 3-tarmaqshasyna sáikes dini birlestikterge ujymdyq buqaralyq is-sharalardy ótkizýge tyiym salynǵanyn negizge ala otyryp Mańǵystaý oblysynyń ákimdigimen Pravoslav hristiandarynyń «Shomyldyrý rásimi» merekesi kúni dini joralǵylardy oryndaý úshin teńiz jaǵasynda jappai sýǵa túsý rásiminiń ótkizilýine shekteý qoiyldy»,- dedi ol.
Sondai-aq, Aqtaý qalalyq «Blagoveshensk Prihody Oral Eparhiiasy» jergilikti pravoslavielik dini birlestiginiń protoiereii Igor Vyrikov sýǵa túsi rásimin teńiz jaǵasynda jasamaýynyń sebebin túsindirdi.
«Dini birlestikterdi jáne oblys turǵyndaryn kúsheitilgen sanitarlyq - dezinfektsiialyq rejimdi saqtaýǵa jáne ómirińizge qaýipti indetten saqtanýǵa shaqyramyz»,-dedi protoierei Igor Vyrikov.
