Aqtaý qalalyq soty qyzyn uryp-soǵyp, abaisyzda óltirip alǵan áielge qatysty úkim shyǵardy, dep habarlaidy QazAqparat Aqtaý qalalyq sotynyń baspasóz qyzmetine silteme jasap.
Aqtaý qalalyq soty 2022 jylǵy 10 maýsymdaǵy úkimimen abaisyzda jábirlenýshiniń ólimine ákep soqqan densaýlyqqa qasaqana aýyr ziian keltirdi dep aiyptalǵan sottalýshy I.-ǵa qatysty qylmystyq isti qarady (QK 106-baby 3-bólimi).
I esimdi azamat biylǵy 4 qańtarda kishkentai qyzyn uryp, ony bar kúshimen iterip jibergen kezde balada gematoma paida boldy. 8 qańtar kúni shamamen túngi saǵat 2-de ashýǵa ábden býlyqqan áiel búldirshin qyzynyń ish qýysynan judyryǵymen qaita soqqy jasady. Odan keiin balany jalǵyz qaldyryp, ketip qalǵan. Kishkentai balanyń máiitine júrgizilgen sot-meditsinalyq saraptamasynyń qorytyndysyna sáikes, ólim ish qýysynyń jaraqaty saldarynan bolǵan.
Sot úkimi boiynsha, I. QK 106-babynyń 3-bóliminde kózdelgen qylmystyq quqyq buzýshylyq jasaǵany úshin kináli dep tanylyp, 8 jyl jylǵa sottaldy.
