Aqtaýda áiel adamdy óltirip, 3 million teńgesin urlaǵan qylmysker ustaldy, dep habarlaidy "Ult aqparat" oblystyq politsiia departamentine silteme jasap.
Departamenttiń baspasóz qyzmetiniń málimetinshe, qandy oqiǵany tergep-tekserý barysynda qaza tapqan áieldiń «Kaspi Gold» kartasynan úsh million teńge somasyndaǵy qarajaty joǵalǵandyǵy anyqtalǵan.
Jedel-izdestirý sharalary barysynda kriminaldyq politsiia qyzmetkerleri Túpqaraǵan aýdanyndaǵy Taýshyq aýylynda kúdiktini anyqtap, ustady.
Ustalǵan azamat kinásin moiyndady. Tintý kezinde politseiler odan 2 million 500 myń teńge aqsha qarajatyn tárkiledi.
Kúdikti Aqtaý qalasy politsiia basqarmasynyń ýaqytsha ustaý izoliatoryna qamaldy.
Atalǵan fakti boiynsha Qazaqstan Respýblikasy Qylmystyq kodeksiniń 99-baby «Adam óltirý» boiynsha qylmystyq is qozǵaldy.
Sot-meditsinalyq saraptama taǵaiyndaldy.
Buǵan deiin Aqtaýdaǵy turǵyn úilerdiń birinen áiel adamnyń máiiti tabylǵanyn jazǵan edik.
