اقتاۋدا ەيەل ادامدى ٶلتٸرٸپ, 3 ميلليون تەڭگەسٸن ۇرلاعان قىلمىسكەر ۇستالدى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنە سٸلتەمە جاساپ.
دەپارتامەنتتٸڭ باسپاسٶز قىزمەتٸنٸڭ مەلٸمەتٸنشە, قاندى وقيعانى تەرگەپ-تەكسەرۋ بارىسىندا قازا تاپقان ەيەلدٸڭ «Kaspi Gold» كارتاسىنان ٷش ميلليون تەڭگە سوماسىنداعى قاراجاتى جوعالعاندىعى انىقتالعان.
جەدەل-ٸزدەستٸرۋ شارالارى بارىسىندا كريمينالدىق پوليتسييا قىزمەتكەرلەرٸ تٷپقاراعان اۋدانىنداعى تاۋشىق اۋىلىندا كٷدٸكتٸنٸ انىقتاپ, ۇستادى.
ۇستالعان ازامات كٸنەسٸن مويىندادى. تٸنتۋ كەزٸندە پوليتسەيلەر ودان 2 ميلليون 500 مىڭ تەڭگە اقشا قاراجاتىن تەركٸلەدٸ.
كٷدٸكتٸ اقتاۋ قالاسى پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى.
اتالعان فاكتٸ بويىنشا قازاقستان رەسپۋبليكاسى قىلمىستىق كودەكسٸنٸڭ 99-بابى «ادام ٶلتٸرۋ» بويىنشا قىلمىستىق ٸس قوزعالدى.
سوت-مەديتسينالىق ساراپتاما تاعايىندالدى.
بۇعان دەيٸن اقتاۋداعى تۇرعىن ٷيلەردٸڭ بٸرٸنەن ەيەل ادامنىڭ مەيٸتٸ تابىلعانىن جازعان ەدٸك.
