Qazirgi tańda Aqtaý qalasynda qoǵamdyq kóliktegi jol júrý aqysy - 50 teńge. Ol - respýblika boiynsha eń tómengi kórsetkish. 2020 jyly jańa avtobýstar satyp alynǵannan keiin jolaqy qunyn 80 teńge kóterý josparlanyp otyr, dep habarlaidy "Ult aqparat".
Qalalyq jolaýshylar kóligi jáne avtomobil joldary bólimi basshysynyń málimetinshe, 2020 jyldyń ekinshi toqsanynda Qazaqstanda jasalǵan, zamanaýi úlgidegi 18 avtobýs alynbaq.
Osyǵan orai, jol aqysyn kóterý josparlanyp otyr.
«Jol aqysyn kótermes buryn, qoǵamdyq tyńdaý ótkizip, qoǵamdyq keńeske jáne máslihatqa usynyp, qoldaý tapqan jaǵdaida jol aqy quny kóteriledi»,-deidi qalalyq jolaýshylar kóligi jáne avtomobil joldary bóliminiń basshysy Jetibai Qubashev.
Aqtaý qalasy boiynsha jalpy sany 70-ke jýyq avtobýs qyzmet atqarady. Onyń 20-ǵa jýyǵy - «Deý», «Hýiýndai», al qalǵan bóligi - «Paz» avtobýstary. Sonymen qatar, Aqtaý qalasyna Munaily aýdanynan №105-marshrýt Aqtaý-Mańǵyshlaq, №103- marshrýt Aqtaý-Qyzyltóbe Aqtaý-Qyzyl tóbe-2, Aqtaý-Batyr, Aqtaý-Baiandy, Aqshuqyr aýylynan 70-ke tarta avtobýs qatynaidy. Onyń da basym bóligi - «Paz» avtobýstary.
