Abai atyndaǵy mádeni - demalys kesheniniń sahnasynda alǵash ret Ult aspaptar orkestriniń súiemeldeýimen «Qyz Jibek» operasy Mańǵystaý jurtshylyǵyna usynyldy, - habarlaidy ákimdiktiń baspasóz qyzmeti.
Ulttyq mýzykalyq ónerdiń injýi atanǵan qoiylym 1,5 saǵat jandy daýysta oryndaldy. Rýhani jańǵyrý baǵdarlamasy aiasynda, eski dúnieni jańǵyrtý baǵytynda, qazaq folklorynyń klassikasy sanalatyn operany alǵash ret Mańǵystaýda sahnalaý ideiasyn Abai atyndaǵy mádeniet saraiynyń kórkemdik jetekshisi Margarita Omarova usynǵan bolatyn.
«Jastar jyly» jáne Abai atyndaǵy MDK 45- jyldyǵyna arnap erekshe tosyn syi ázirleý maqsatynda osynaý úlken joba naýryz aiynan bastap qolǵa alynǵan. Al, ony júzege asyryp, joǵary deńgeide oryndap shyǵý úshin N.Jantórin atyndaǵy oblystyq drama- teatrynyń ártisteri, Mańǵystaý óner kolledjiniń stýdenter hory, keshenniń shyǵarmashylyq ujymdary at salysyp, birlesip úlken jumys atqardy.
Qoiylymdy mýzykamen árlegen Ult aspaptar orkestri, jetekshisi ári dirijeri Jaqsylyq Nurqojaev.
«Operany tamashalaýǵa kelgen kórermen zalǵa toly boldy. Mádeni keshten rýhani azyq alǵan kópshilik erekshe áser alǵandaryn jasyrmai, rizashylyqtaryn bildirdi» delingen habarlamada.
