Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet «Aq jol» fraktsiiasy bailanys operatorlarynyń tarif saiasatyn synǵa aldy «Aq jol» fraktsiiasy bailanys operatorlarynyń tarif saiasatyn synǵa aldy
Qylmys

Aqtaýda alaiaqqa aldanǵandar narazylyq bildirdi

Ult portaly
Aqtaýda alaiaqqa aldanǵandar narazylyq bildirdi

Senimge kirip, san soqtyrdy. Al aqtaýlyq kelinshekterdiń milliondaǵan teńgesin alyp, qyrýar qaryzǵa batyrǵan adamdar áli kúnge jazaǵa tartylmai jatyr. Aldanǵan áielder narazylyqtaryn bildirip, prokýratýra aldyna jinaldy, dep habarlaidy KTK.

Bir ǵana Sángúl Amanjolova 35 mln teńgesin jer alyp beremin degenderge ustata salǵan. Aǵiia Júsipova men Perizat Tajieva esimdi kelinshek bankten 440 mln teńge nesieni ońai shyǵaryp beremiz dep senimge kiripti. Isti tezdetý úshin aldyn ala somanyń 10 paiyzyn talap etken. Úlken isi úshin qarajat qatty qajet bolǵandyqtan Sángúl Amanjolova 35 mln teńgeni qaryzdanyp-qaýǵalanyp taýyp bergen.

Alaida, artynsha ýáde etken nesie túgili, óziniń bergen aqshasyn ala almai qaldy. Qolynda ol adamdardyń kinásin aiǵaqtar iske dáiek bolar dálelderi bolǵanmen, bir jyl buryn qozǵalǵan is áli ornynan jyljymai tur. Tipten, kúdiktiler bolǵanmen, isti jabamyz dep jatqan kórinedi.

Al, bostandyqta júrgen Júsipova men Tajievanyń atyna osy ýaqytqa deiin aldanǵan taǵy birneshe adamnan aryz túsken. Ázirge prokýratýra men politsiia bul jaǵdai boiynsha tis jarmai tur.

"Bas prokýratýradan kómek suraimyn. Istiń aq pen qarasyn sheship bersin. Tajieva Perizatqa qatysty taǵy bireý 7 million bergen. Ákimdik arqyly jer shyǵaryp beremiz dep. Taǵy bireýden 12 mln alǵan úi alyp beremiz dep aldaǵan. Tórt epizod jinalyp tur. Sonyń ózinde meniń isimdi qysqartyp jatyr", - deidi jábirlenýshi Sángúl Amanjolova.

Oqi otyryńyz