Aqtaýda Táýelsizdiń kúni qarsańynda qazaqtyń uly aqyny Abai Qunanbaiulynyń eskertkishi ashyldy.
Biiktigi 5 metr, eni 3,3h3,6 bolatyn músin «Abai» atyndaǵy mádeni demalys kesheniniń aldyna ornatyldy. Saltanatty sharaǵa oblys ákimi Eraly Toǵjanov qatysty, dep habarlaidy "Ult aqparat" Mańǵystaý oblysy ákimdiginiń baspasóz qyzmetine silteme jasap.
«Abai eskertkishiniń ashylýy - qala tarihyndaǵy mańyzy óte zor oqiǵa. Aqynnyń ómiri, istegen isi, jazǵan óleńderi men sózderi óz halqynyń taǵdyrymen tyǵyz bailanysty. Búginde «Adamzattyń Abaiy» atanyp ketken kemeńger aqynnyń atyndaǵy kósheler men eskertkishteri elimizdiń túkpir-túkpirinde, tipti, álemniń biraz qalalarynda bar. Londonda Abai úii, Kairde, Berlinde, Kievte, Bishkek, Baký, Niý-Delide aqynǵa kósheler berilse, Tashkent, Máskeý, Tegeran, Beijiń men Býdapesht siiaqty álemniń kóptegen qalalarynda esil erdiń eńseli eskertkishteri men músinderi ornatylǵan. Sonyń árqaisysynda Abaidyń aty jańasha asqaqtap, halqymyzdyń mártebesi jańa biikke kóterilýmen keledi» - dedi Eraly Toǵjanov.
Sonymen qatar aimaq basshysy jańa «Aq Qala Moll» saýda oiyn-saýyq kesheniniń ashylýyna qatysty 23 myń sharshy metrdi quraityn 5 qabatty ǵimaratta 17 myń saýda orny, gipermarket, fýdkort, bes zaldy kinoteatr, 2 qabatty qamtityn 2,5 myń sharshy metrlik balalar parki jáne aýmaǵy 350 sharshy metr bolatyn Qazaqstandaǵy eń iri kontaktty zoobaq ashylmaq. Jańa formattaǵy saýda oiyn-saýyq ortalyǵynda biiktigi 23 metr bolatyn sarqyrama ornatylady. Saýda ortalyǵynda 300 oryndyq jerasty avtoturaq bolady.
