Jelide Aqtaýda 8 milliard teńgege stadion salynatyny týraly aqparat tarady, - dep habarlaidy Tengrinews.kz.
Onda jańa nysan qaladaǵy jańa móltek aýdandardyń birinde salynatyny aitylǵan.
"Jobanyń baǵasy - 8 milliard teńgege jýyq. Ol ÝEFA-nyń barlyq talabyna sai bolady", - dep jazylǵan meta-ratings.kz saitynda.
Mańǵystaý oblysy ákimdiginiń baspasóz qyzmeti bul aqparatty joqqa shyǵardy.
"Bul jalǵan aqparat. Negizi, Aqtaýda sport keshenin salý josparlanyp jatyr. Biraq onyń baǵasy qansha, eskizi qandai bolatyny áli bekitilmedi", - dedi vedomstvo baspasóz qyzmetiniń ókilderi.
Qazir Aqtaýda jergilikti "Kaspii" fýtbol klýby óz alańyndaǵy oiyndardy "Jas Qanat" stadionynda ótkizip júr. Bul arenaǵa 5 myń jankúier syiady.
Aita keteiik, byltyr Túrkistanda jańa fýtbol stadiony ashylǵan bolatyn. Jeti myń oryndyq "Túrkistan-Arena" tek fýtbolǵa emes, jeńil atletika úshin de salynǵan. Onyń qurylysyna 39 million dollar jumsalǵan.
