جەلٸدە اقتاۋدا 8 ميلليارد تەڭگەگە ستاديون سالىناتىنى تۋرالى اقپارات تارادى, - دەپ حابارلايدى Tengrinews.kz.
وندا جاڭا نىسان قالاداعى جاڭا مٶلتەك اۋدانداردىڭ بٸرٸندە سالىناتىنى ايتىلعان.
"جوبانىڭ باعاسى - 8 ميلليارد تەڭگەگە جۋىق. ول ۋەفا-نىڭ بارلىق تالابىنا ساي بولادى", - دەپ جازىلعان meta-ratings.kz سايتىندا.
ماڭعىستاۋ وبلىسى ەكٸمدٸگٸنٸڭ باسپاسٶز قىزمەتٸ بۇل اقپاراتتى جوققا شىعاردى.
"بۇل جالعان اقپارات. نەگٸزٸ, اقتاۋدا سپورت كەشەنٸن سالۋ جوسپارلانىپ جاتىر. بٸراق ونىڭ باعاسى قانشا, ەسكيزٸ قانداي بولاتىنى ەلٸ بەكٸتٸلمەدٸ", - دەدٸ ۆەدومستۆو باسپاسٶز قىزمەتٸنٸڭ ٶكٸلدەرٸ.
قازٸر اقتاۋدا جەرگٸلٸكتٸ "كاسپيي" فۋتبول كلۋبى ٶز الاڭىنداعى ويىنداردى "جاس قانات" ستاديونىندا ٶتكٸزٸپ جٷر. بۇل ارەناعا 5 مىڭ جانكٷيەر سىيادى.
ايتا كەتەيٸك, بىلتىر تٷركٸستاندا جاڭا فۋتبول ستاديونى اشىلعان بولاتىن. جەتٸ مىڭ ورىندىق "تٷركٸستان-ارەنا" تەك فۋتبولعا ەمەس, جەڭٸل اتلەتيكا ٷشٸن دە سالىنعان. ونىڭ قۇرىلىسىنا 39 ميلليون دوللار جۇمسالعان.
