Aqtaýda kóptegen aviatasymaldaýshylar aviareisterdi toqtatty, dep habarlaidy "Ult aqparat".
6 sáýirde sońǵy reis - Kókshetaý-Aqtaý-Kókshetaý toqtaidy. Búgin Atyraýǵa aparatyn reister jabyldy. Jalpy, bul jaǵdai elimizde tótenshe jaǵdai aiaqtalǵansha, iaǵni 15 sáýirge deiin jalǵasady.
«Ázirge SCAT kompaniiasynyń baǵyttary ǵana qaldy. Biz - syrtqy jáne ishki reisti toqtatqan eń sońǵy áýejaimyz. Barlyǵy sáýir aiynyń ortasyna deiin ǵana toqtatylady dep senemiz. 31 naýryzdan 14 sáýirge deiin Aqtaý-Aqtóbe-Aqtaý baǵyty ýaqytsha oryndalmaidy. 3 sáýirden 12 sáýirge deiin Aqtaý-Atyraý-Oral-Atyraý-Aqtaý baǵyty jabylady. 6 sáýirden 15 sáýirge deiin Kókshetaý-Aqtaý-Kókshetaý baǵyty ushpaidy» delingen habarlamada.
«Úkimettik komissiianyń qaýlysy boiynsha, endi tek júk tasymaldaityn ushaqtardy qabyldai alamyz jáne áskeri ushaqtar ushýy múmkin. Olar memlekettiń tapsyrmasymen ushady»,-deidi Aqtaý halyqaralyq áýejaiynyń direktory Erǵazy Joldasov.
Direktordyń aitýynsha, barlyq ushaq jolaýshylaryn arnaiy kiim kigen epidemiolog mamandar qarsy alyp, teplovizormen tekserip jatyr. Jolaýshylardyń tizimi alynyp, onyń qaidan, qashan otyrǵany jazyp alyndy.
Aita keteiik, 27 naýryz kúni Aqtaý áýejaiynda barlyq halyqaralyq áýe reisteri toqtaǵan bolatyn.
