اقتاۋدا كٶپتەگەن اۆياتاسىمالداۋشىلار اۆيارەيستەردٸ توقتاتتى, دەپ حابارلايدى "ۇلت اقپارات".
6 سەۋٸردە سوڭعى رەيس - كٶكشەتاۋ-اقتاۋ-كٶكشەتاۋ توقتايدى. بٷگٸن اتىراۋعا اپاراتىن رەيستەر جابىلدى. جالپى, بۇل جاعداي ەلٸمٸزدە تٶتەنشە جاعداي اياقتالعانشا, ياعني 15 سەۋٸرگە دەيٸن جالعاسادى.
«ەزٸرگە SCAT كومپانيياسىنىڭ باعىتتارى عانا قالدى. بٸز - سىرتقى جەنە ٸشكٸ رەيستٸ توقتاتقان ەڭ سوڭعى ەۋەجايمىز. بارلىعى سەۋٸر ايىنىڭ ورتاسىنا دەيٸن عانا توقتاتىلادى دەپ سەنەمٸز. 31 ناۋرىزدان 14 سەۋٸرگە دەيٸن اقتاۋ-اقتٶبە-اقتاۋ باعىتى ۋاقىتشا ورىندالمايدى. 3 سەۋٸردەن 12 سەۋٸرگە دەيٸن اقتاۋ-اتىراۋ-ورال-اتىراۋ-اقتاۋ باعىتى جابىلادى. 6 سەۋٸردەن 15 سەۋٸرگە دەيٸن كٶكشەتاۋ-اقتاۋ-كٶكشەتاۋ باعىتى ۇشپايدى» دەلٸنگەن حابارلامادا.
«ٷكٸمەتتٸك كوميسسييانىڭ قاۋلىسى بويىنشا, ەندٸ تەك جٷك تاسىمالدايتىن ۇشاقتاردى قابىلداي الامىز جەنە ەسكەري ۇشاقتار ۇشۋى مٷمكٸن. ولار مەملەكەتتٸڭ تاپسىرماسىمەن ۇشادى»,-دەيدٸ اقتاۋ حالىقارالىق ەۋەجايىنىڭ ديرەكتورى ەرعازى جولداسوۆ.
ديرەكتوردىڭ ايتۋىنشا, بارلىق ۇشاق جولاۋشىلارىن ارنايى كيٸم كيگەن ەپيدەميولوگ ماماندار قارسى الىپ, تەپلوۆيزورمەن تەكسەرٸپ جاتىر. جولاۋشىلاردىڭ تٸزٸمٸ الىنىپ, ونىڭ قايدان, قاشان وتىرعانى جازىپ الىندى.
ايتا كەتەيٸك, 27 ناۋرىز كٷنٸ اقتاۋ ەۋەجايىندا بارلىق حالىقارالىق ەۋە رەيستەرٸ توقتاعان بولاتىن.
