Aqtaý turǵyndary áleýmettik jelide "Gúlder alańynyń" sapasyz jasalǵanyn aityp, shaǵymdanýda.
Plastik gúlderdiń birazy qulap jatyr. Al gazondaǵy elektr jelileri ashyq kúiinde qalǵan, dep habarlady Sputnik Qazaqstan saity Lada basylymyna silteme jasap.
Týristerdi tartý maqsatynda plastikten jasalǵan "Gúlder alańyna" biýdjettiń 15 million teńgesi jumsalǵan. Turǵyndar jelide munshalyqty qarjyǵa plastik gúldiń "egilgenine" narazylyqtaryn bildirgen. Jeli qoldanýshylary alańnyń jumysyna sapasyz materialdar paidalanylǵanyn jazdy.
"Lada" basylymynyń habarlaýynsha, keibir jerde gúl túpteri qulap qalǵan. Al jasandy gazonnyń ózi qisyq ornatylǵan.
Installiatsiianyń elektr jelileri oqshaýlandyrylmaǵan. Videoda onyń gazon ústinde jatqanyny baiqaýǵa bolady.
Esterińizge sala keteiik, "Yntymaq" alańyndaǵy gazon ornyna biýdjettiń 15 404 000 teńgesine plastikten jasalǵan "Gúlder alańy" ornatylǵan bolatyn. Ákimdiktiń habarlaýynsha, dekorativti jaryqtandyrýdy Clover media group JShS júrgizgen. Olarmen kelisimshart 16 qyrkúiekte jasalǵan.
