اقتاۋ تۇرعىندارى ەلەۋمەتتٸك جەلٸدە "گٷلدەر الاڭىنىڭ" ساپاسىز جاسالعانىن ايتىپ, شاعىمدانۋدا.
پلاستيك گٷلدەردٸڭ بٸرازى قۇلاپ جاتىر. ال گازونداعى ەلەكتر جەلٸلەرٸ اشىق كٷيٸندە قالعان, دەپ حابارلادى Sputnik قازاقستان سايتى لادا باسىلىمىنا سٸلتەمە جاساپ.
تۋريستەردٸ تارتۋ ماقساتىندا پلاستيكتەن جاسالعان "گٷلدەر الاڭىنا" بيۋدجەتتٸڭ 15 ميلليون تەڭگەسٸ جۇمسالعان. تۇرعىندار جەلٸدە مۇنشالىقتى قارجىعا پلاستيك گٷلدٸڭ "ەگٸلگەنٸنە" نارازىلىقتارىن بٸلدٸرگەن. جەلٸ قولدانۋشىلارى الاڭنىڭ جۇمىسىنا ساپاسىز ماتەريالدار پايدالانىلعانىن جازدى.
"لادا" باسىلىمىنىڭ حابارلاۋىنشا, كەيبٸر جەردە گٷل تٷپتەرٸ قۇلاپ قالعان. ال جاساندى گازوننىڭ ٶزٸ قيسىق ورناتىلعان.
ينستاللياتسييانىڭ ەلەكتر جەلٸلەرٸ وقشاۋلاندىرىلماعان. ۆيدەودا ونىڭ گازون ٷستٸندە جاتقانىنى بايقاۋعا بولادى.
ەستەرٸڭٸزگە سالا كەتەيٸك, "ىنتىماق" الاڭىنداعى گازون ورنىنا بيۋدجەتتٸڭ 15 404 000 تەڭگەسٸنە پلاستيكتەن جاسالعان "گٷلدەر الاڭى" ورناتىلعان بولاتىن. ەكٸمدٸكتٸڭ حابارلاۋىنشا, دەكوراتيۆتٸ جارىقتاندىرۋدى Clover media group جشس جٷرگٸزگەن. ولارمەن كەلٸسٸمشارت 16 قىركٷيەكتە جاسالعان.
