Aqtaýda Lider.kz qozǵalysynyń eriktileri men politseiler joǵalyp ketken 11 jastaǵy Nurislam Mambekovti izdestirip jatyr, - dep habarlaidy Tengrinews.kz tilshisi "Lada"basylymyna silteme jasap.
Basylym málimetinshe, oqýshy jeksenbi, 4 jeltoqsanda joǵalyp ketken. Ol sol kúni saǵat 16:35-te "Aqtaý" saýda oiyn-saýyq ortalyǵynan belgisiz baǵytta shyǵyp ketip, qaityp oralmaǵan.
Belgileri: orta deneli, boiy - 150-155 santimetr, shashy qara, kózi qońyr. Betinde meńi bar. Qara kók tústi kúrte, kók bas kiim, búiirinde aq jolaǵy bar qara shalbar kigen.
Joǵalǵan bala týraly málimet biletinder +7(700) 499-72-92, +7(700) 729-20-12 nemese 102 telefondary arqyly habarlasýlaryn suraimyz.
