Jeksenbi kúni mańǵystaýlyq politseiler men qoǵamdyq kommýnikatsiia ortalyǵynyń túsilim toby Aqtaýdaǵy meiramhanalarǵa reid júrgizdi. Shara barysynda 100-ge jýyq adamǵa toi jasaý oqiǵasy anyqtaldy, dep habarlaidy "Ult aqparat".
Aqtaý qalalyq politsiia bóliminiń inspektorlary karantin rejimine qaramastan toi ótkizgen meiramhana ákimshiligine hattama toltyryp, aiyppul salý úshin Mańǵystaý oblysynyń taýarlar men kórsetiletin qyzmetterdiń sapasy mn qaýipsizdigin baqylaý departamentine joldandy.
Karantin tártibin buzyp, toi jasaǵan kásipkerlerge 230AEK kóleminde aiyppul salynady.
Monitoringtik top ókilderi kún saiyn kúsheitilgen rejimdegi reid jumystaryn jalǵastyrady.
Esterińizge sala keteiik, Mańǵystaý 13 qazan 00:00 saǵattan bastap Mańǵystaý oblysynda karantin talaptary kúsheitiledi. Oblystyń bas sanitar dárigeriniń 28 tamyz kúni shyqqan qaýlysyna ózgerister engizildi.
Jańa talaptar boiynsha tamaqtaný oryndary, dámhanalar men iri sýpermarketter jumysy 21:00-ge deiin qysqarady. Iaǵni, qoǵamdyq kólikter senbi, jeksenbi kúnderi jumysyn toqtatady. Fitnes ortalyqtary men jattyǵý zaldarynyń jumysy toqtatylady. Azyq-túlikten basqa barlyq bazardyń jumys ýaqyty 16.00-ge deiin qysqarady. Toi men ujymdyq sharalarǵa reid kúsheitiledi.
