Búgin Kaspii mańy memleketteriniń besinshi sammitinde bes eldiń arasynda birqatar qujattarǵa qol qoiyldy, dep habarlaidy Baq.kz aqparat agenttigi.
Birinshiden, Kaspii teńizinde lańkestikpen kúres salasynda yntymaqtastyq týraly hattama bekitildi. Bul qujatqa Qazaqstan tarapynan QR Syrtqy ister ministri Qairat Ábrirahmanov qol qoidy.
Ekinshi qujatty, iaǵni Kaspii teńizinde uiymdasqan qylmyspen kúres salasyndaǵy yntymaqtastyq týraly hattamany bes eldiń ishki ister ministrleri bekitti. Oǵan qosa, bes eldiń ókilderi Shekaralyq vedomstvolardyń yntymaqtastyǵy men ózara is-qimyly týraly hattamaǵa qol qoidy.
Budan basqa, Sammit aiasynda Kaspii mańy memleketteriniń úkimetteri arasynda saýda-ekonomikalyq yntymaqtastyq týraly kelisim jasaldy.
Qol qoiylǵan kelesi kelisim Kaspii mańy memleketteriniń úkimetteri arasyndaǵy kólik salasy boiynsha yntymaqtastyqqa arnaldy.
Sonymen qatar, Kaspii teńizinde janjaldardy boldyrmaý jónindegi kelisim bekitildi. Osy qujatqa Qazaqstan jaǵynan QR Qorǵanys ministri Nurlan Ermekbaev qol qoidy.
Esterińizge sala keteiik, buǵan deiin Aqtaý sammitine qatysqan bes eldiń basshylary Kaspiidiń quqyqtyq mártebesi týraly konventsiiaǵa qol qoidy.
