Kollaj: Tengrinews.kz
Aqtaý mańynda janarmai tielgen tsisterna jarylysynan zardap shekkenderdiń biri qaitys boldy, - dep habarlaidy Tengrinews.kz portaly Lada.kz saityna silteme jasap.
Basylym málimetinshe, qaitys bolǵan adam - 1989 jyly týǵan azamat.
"Ókinishke qarai, bir naýqas qaitys boldy. Zardap shekken ekinshi adam - 1981 jyly týǵan azamattyń jaǵdaiy aýyr. Dárigerler qolynan kelgenniń bárin istep jatyr", - dedi Mańǵystaý oblystyq aýrýhananyń baspasóz qyzmeti ókilderi.
Eske salaiyq, keshe, 8 qańtarda Aqtaý mańynda janarmai tielgen tsisterna jarylǵany habarlanǵan bolatyn.
Oqiǵanyń mán-jaiyn azamattyq qorǵaý kapitany, Munaily aýdany Tótenshe jaǵdailar basqarmasynyń bas mamany Jainat Áýesbaev aitty. Onyń sózinshe, 7 qańtarda saǵat 21.00 shamasynda Munaily aýdany, Dáýlet aýylynda ornalasqan "BBJ GROUP" JShS kólik kompaniiasynyń bazasynda janar-jaǵarmai quiylǵan tsisternasy jarylyp, sodan keiin órt shyqqan. Jarylys saldarynan jaralanǵan eki adam oblystyq aýrýhanaǵa jetkizilgen edi.
