كوللاج: Tengrinews.kz
اقتاۋ ماڭىندا جانارماي تيەلگەن تسيستەرنا جارىلىسىنان زارداپ شەككەندەردٸڭ بٸرٸ قايتىس بولدى, - دەپ حابارلايدى Tengrinews.kz پورتالى Lada.kz سايتىنا سٸلتەمە جاساپ.
باسىلىم مەلٸمەتٸنشە, قايتىس بولعان ادام - 1989 جىلى تۋعان ازامات.
"ٶكٸنٸشكە قاراي, بٸر ناۋقاس قايتىس بولدى. زارداپ شەككەن ەكٸنشٸ ادام - 1981 جىلى تۋعان ازاماتتىڭ جاعدايى اۋىر. دەرٸگەرلەر قولىنان كەلگەننٸڭ بەرٸن ٸستەپ جاتىر", - دەدٸ ماڭعىستاۋ وبلىستىق اۋرۋحانانىڭ باسپاسٶز قىزمەتٸ ٶكٸلدەرٸ.
ەسكە سالايىق, كەشە, 8 قاڭتاردا اقتاۋ ماڭىندا جانارماي تيەلگەن تسيستەرنا جارىلعانى حابارلانعان بولاتىن.
وقيعانىڭ مەن-جايىن ازاماتتىق قورعاۋ كاپيتانى, مۇنايلى اۋدانى تٶتەنشە جاعدايلار باسقارماسىنىڭ باس مامانى جاينات ەۋەسباەۆ ايتتى. ونىڭ سٶزٸنشە, 7 قاڭتاردا ساعات 21.00 شاماسىندا مۇنايلى اۋدانى, دەۋلەت اۋىلىندا ورنالاسقان "BBJ GROUP" جشس كٶلٸك كومپانيياسىنىڭ بازاسىندا جانار-جاعارماي قۇيىلعان تسيستەرناسى جارىلىپ, سودان كەيٸن ٶرت شىققان. جارىلىس سالدارىنان جارالانعان ەكٸ ادام وبلىستىق اۋرۋحاناعا جەتكٸزٸلگەن ەدٸ.
