Foto: KazTAG
Qarjylyq monitoring agenttiginiń habarlaýynsha, halyqaralyq izdeýde bolǵan Timýr Sádýaqasov Ózbekstannan elge jetkizildi, dep habarlaidy Ult.kz.
25 aqpanda Túrkistan oblysyndaǵy «Qaplanbek» shekara baqylaý-ótkizý pýnktinde ol Qarjylyq monitoring agenttiginiń qyzmetkerlerine tapsyrylyp, keiin Shymkent qalasyndaǵy tergeý izoliatoryna qamaldy. Jaqyn arada ol Pavlodar qalasyndaǵy tergeý izoliatoryna jetkiziledi.
Timýr Sádýaqasov alaiaqtyq jáne asa iri kólemde para berýge itermeleý boiynsha aiyptalyp otyr, oǵan izdeý jariialanǵan bolatyn. 2023 jyly ol jáne advokat S.Qurmanbaevpen birge kásiptegi seriktesterine qarsy qylmystyq is qozǵaýdy usynyp, 90 mln teńge alǵan.
Ol Ózbekstan shekarasyn zańsyz kesip ótý kezinde ustaldy.
