Foto: facebook.com/azamat.sarsenbaev
Aqtaý ákimdiginiń turǵyn úi inspektsiiasy ókili turǵyn úi kireberisiniń tóbesi qulaǵan oqiǵa týraly tyń derekter aitty, - dep habarlaidy Tengrinews.kz saity.
11 mamyrda 9-shaǵynaýdandaǵy úilerdiń birinde kireberistiń betony qulady. Tótenshe jaǵdai saldarynan bir er adam qaza taýyp, taǵy ekeýi zardap shekti.
"9-shaǵynaýdan, 4-úi mekenjaiyndaǵy kireberisti bólshekteý boiynsha josparly jumystar barysynda beton qulady. Ókinishke qarai, bir adam qaza boldy, taǵy ekeýi jaraqat alyp, aýrýhanaǵa jetkizildi. Olardyń bári - "Nestle Mol" servis kompaniiasynyń qyzmetkerleri, olar "Tatiana" páter ieleriniń kooperativine qyzmet kórsetti", - dedi Aqtaý ákimdiginiń turǵyn úi inspektsiiasy ókili.
Bolǵan oqiǵanyń mán-jaiy anyqtalýda. Jergilikti jerde Tótenshe jaǵdailar departamenti qyzmetkerleri jumys istep jatyr.
"Marqumnyń otbasyna kóńil aitamyz", - dedi qala ákimdiginiń turǵyn úi inspektsiiasy ókili.
