Biyl – Táýelsizdikke 25 jyl. Shirek ǵasyr tolyp otyrǵan Táýelsizdik mereitoiy qoǵam úshin zor mańyzǵa ie. Máni men mańyzy úlken jaýapkershilik pen azamattyq paryz júktep otyrǵan Táýelsizdik toiyna óner ujymdary da óz úlesterin qosýda, dep habarlaidy M.Áýezov teatrynyń baspasóz qyzmeti.
M.Áýezov teatry Táýelsizdiktiń 25 jyldyǵy aiasynda birqatar is-sharalardy abyroimen ótkizdi. Sol is-sharalardyń ishindegi shoqtyǵy biik, ideialyq-mazmundyq turǵydan memlekettik saiasattyń jemisin kórsetip, ony odan ári nasihattaýǵa serpin berip, qoǵam birliginiń nyǵaia túsýine yqpal etken «Aqtastaǵy Ahiko» spektakli.
Táýelsizdiktiń 25 jyldyǵy aiasynda 91-maýsym shymyldyǵyn ashqan Mádina Omarovanyń «Aqtastaǵy Ahiko» spektakliniń ár qoiylymy anshlagpen ótip, kórermenniń joǵarǵy baǵasyn aldy. Sonymen qatar, respýblikalyq BAQ ta keńinen jazylyp, ártúrli pikirler men kózqarastardyń týýyna sebepshi bola otyryp, el ishine keń tarap, jurtshylyqtyń qyzyǵýshylyǵyn týǵyzdy.
Elimizdegi «Bir halyq – bir el – bir taǵdyr» - qoǵamdaǵy birlik pen tatýlyqty, turaqtylyqty nyǵaiýtýǵa baǵyttalǵan saiasattyń sahnadaǵy naqty kórinisindei bolǵan aitýly spektakldiń ómirge kelýi de erekshe. Bul týraly teatr direktory Erlan Bilál bylai dep eske alady.
«Ǵabit Músirepov atyndaǵy Qazaq Memlekettik balalar men jasóspirimder teatrynda kórkemdik jetekshi bolyp jumys istep júrgenimde teatr Qaraǵandy qalasyna gastroldik saparǵa bardy. Sol saparda qazirgi Májilis depýtaty Nurlan Dýlatbekovke jolyqtym. Ol kisi áńgime barysynda bir taǵdyrly kisi jaily biletinin alaida eń áýeli KARLAG túrmesiniń ornyndaǵy mýzeige baryp kórip kelýimdi ótindi. Bardym. Kórdim. Mýzeiden alǵan áserim janǵa, sanaǵa óte aýyr boldy. Neshe kún sol kúiden aiyǵa almai júrdim. Sodan Nurlan aǵa Ahikonyń taǵdyrly ómir jolyn áńgimelep berdi. Sóitip, Ahiko Tetsýronyń ómirin arqaý etken qoiylym jasaýdy uiǵardyq. M.Áýezov teatryna basshy bolyp taǵaiyndalǵan soń, teatr dramatýrgi Mádina Omarovaǵa aityp, Ahikonyń taǵdyrynan pesa jazýyn ótindim. Mádina Ahiko Tetsýro turyp jatqan Aqtas aýylyna baryp, aqsaqalmen jolyǵyp, ómirin óz aýzynan estidi. Osylaisha, «Aqtastaǵy Ahiko» pesasy ómirge keldi. Al, shyǵarmany sahnaǵa shyǵaryp, qoiylym qoiý úshin talantty rejisser, «Qara shekpen», «Qoshtasqym kelmeidi...» spektaklderi arqyly kórermen yqylasyna bólengen Ashat Maemirovty arnaiy shaqyryp, «Aqtastaǵy Ahiko» pesasyn sahnalap berýdi ótindik.»
«Aqtastaǵy Ahiko» spektakliniń sahnaǵa shyǵyp, kórermenmen qaýyshýyna Mádeniet jáne sport ministri Arystanbek Muhamediuly zor yqpal jasap, jan-jaqty qoldaý kórsetti. Ministrdiń airyqsha kóńil bólýiniń nátijesinde spektakl joǵary dárejede sahnalandy.
Osylaisha, M.Áýezov teatry Táýelsizdiktiń 25 jyldyǵyna úlken rýhani syi tartý etti. Qoǵamda úlken qyzyǵýshylyq týdyryp, ár qoiylymy anshlagpen ótken derekti dramanyń bas keiipkeri Ahiko Tetsýronyń taǵdyryn Qazaqstan Prezidenti N.Nazarbaev Japoniiaǵa resmi sapary barysynda Japoniia Parlamentinde sóilegen sózinde tilge tiek etip, sol arqyly Qazaqstandaǵy turaqtylyq pen tatýlyqty syrt elderge úlgi etti. Óz kezeginde bul da «Aqtastaǵy Ahiko» qoiylymynyń jetistigi.
Mine, endi Ahiko Tetsýronyń sahnalyq beinesimen, taǵdyrymen arqa jurty qaýyshpaq. Teatrdyń Qaraǵandy jáne Astana qalalaryna jasalatyn gastroldik saparynda «Aqtastaǵy Ahiko» qoiylymyn 25 qarashada Ahikonyń jerlesteri, qaraǵandylyqtar tamashalai alady. Al, 29 qarashada «Aqtastaǵy Ahiko» Táýelsizdik jáne kelisim saraiynda Astana jurtynyń nazaryna usynylady.
Táýelsizdiktiń 25 jyldyǵyna arnalǵan eń iri óner tartýy – «Aqtastaǵy Ahiko» spektaklin kórýge asyǵyńyzdar!
"Ult aqparat"
