Qazaqstandyq mýzykant Imanbek Zeikenovtyń SAINt JHN atty ánshiniń Roses ánine jazylǵan remiksi Grammy syilyǵyn jeńip aldy, dep habarlaidy "Ult aqparat".
Bul jaiynda syilyqtyń Twitter paraqshasynda habarlandy. Az ýaqyt ótken soń reperdiń ózi Instagram paraqshasynda video qaldyrdy.
"Anama, ákeme, komandama, menedjer Kirilge rahmet! "Gremmige" rahmet!" dedi Imanbek Zeikenov "Eń úzdik remiks" nominatsiiasynyń jeńimpazy anyqtalǵannan keiin.
Aita keteiik, atalǵan remiksimen álemdik mýzyka charttarynda qara úzip alǵa shyqqan Imanbek Zeikenov ata-anasymen birge Aqsý qalasynda turady. Ákesi - órt sóndirýshi, anasy týristik agenttikte jumys isteidi.
Óziniń aitýynsha, ol án árleýdi jergilikti didjeiler men prodiýserlerden jáne Youtube jelisindegi videosabaqtan úirengen.
Ótken jyldyń jeltoqsanyna deiin ol shaǵyn shahardaǵy temir jol stansasynda jumys istedi. 2019 jyldyń jazynda Imanbek Saint Jhn atty reperdiń Roses atty ánin taýyp, soǵan remiks jazýdy qolǵa alady.
Bul kompozitsiia úsh jyl buryn shyǵyp qoiǵan bolatyn. Imanbek ánge remiks jazyp, ony áleýmettik jelige jariialaidy. Arada birneshe ai ótkende ol pop juldyzǵa ainaldy. Tipti, Amerikanyń The New York Times gazetinde Imanbek jaily maqala da jariialandy.
