"Gremmi" iegeri Imanbek Zeikenov týǵan qalasyna oralǵannan keiin Aqsý jastarymen kezdesti. Didjei óz áserleri men shyǵarmashylyq josparlary týraly aitty, dep habarlady Pavlodarnews.kz.
Aqsý ekomektebinde Imanbekke qyzyl kilem tóselip, oblys ákiminiń Alǵys haty tabys etildi.
"Bul jetistik arqyly Pavlodar oblysynda shyǵarmashylyǵyna eshbir shekteý qoiylmaityn naǵyz talantty adamdar ómir súretinin dáleldediń. Osy jeńispen shyn júrekten quttyqtaimyn jáne qol jetkizgen jetistikterińmen toqtap qalmaýdy tileimin. Aldaǵy ýaqytta qyzyqty ári tabysty karera kútip turǵanyna senimdimin", - dep jazdy óńir basshysy Ábilqaiyr Sqaqov.
Oblys ákimdigi tarapynan Imanbekke zamanaýi jabdyqtarǵa eki million teńge tabys etildi. Sondai-aq metallýrgter qalasynyń qoǵamdyq keńesi taǵy bir millionǵa sertifikat tapsyrdy.
"Óte qýanyshtymyn. Ózimniń zamanaýi tehnikam bar, sondyqtan bul aqshany qaiyrymdylyqqa bergim keledi", - dep jaýap berdi "Gremmi" syilyǵynyń laýreaty.
Aqsý qalasynyń ákimi didjeige mýzykanttyń búrkenshik aty kúmis jippen kestelegen shapan men bas kiim kigizdi. Qala basshysy mýzykantqa at mingizýge ýáde berdi.
Aqsý jastarynyń suraqtaryna Imanbek qaladan ketýdi josparlamaitynyn jáne mýzykamen jumys isteýdi jalǵastyratynyn aitty.
"Mýzykamen jumys isteýdi jalǵastyrý josparda bar. Men temirjoldan bir jyl buryn ketip qaldym. Al jastarǵa keletin bolsaq, bul olar úshin úlken motivatsiia dep oilaimyn. Bul jerde barlyǵy sybailas dep oilaidy (mýzyka indýstriiasynda – avtor), alaida bul durys emes, - dedi Imanbek. - Konnektorlar týraly (basqa mýzykanttarmen) aitatyn bolsaq, bul - keremet, biraq bul - menedjmenttiń jumysy. Eger men jai ǵana sol Rita Oraǵa jeke habarlama jazsam, ol múmkin jaýap bermes edi, munyń bári menedjerler arqyly jasalady".
Didjei remiksti kezdeisoq tańdaǵanyn jáne tájiribe jasaǵysy kelgenin aitty. Ol nominatsiia boiynsha jeńis týraly aldyn ala bilmegen, biraq bir úmit bolǵan.
Eko mektepke Imanbek óziniń Lada Priora kóligimen keldi. Didjeige qalanyń barlyq Priora kólikterin jinap, Nazarbaev dańǵylymen "Gremmi" músinshesin alǵan kezde júrip ótý usynyldy.
Imanbek barlyq qazaqstandyqqa qoldaý kórsetkeni úshin alǵys aityp, Naýryz merekesimen quttyqtady.
Eske sala keteiik, Amerikalyq mýzyka syilyǵynyń jeńimpazdary 15 naýryzda jariialandy. Aqsý qalasynyń 20 jastaǵy saýnd-prodiýseri "Úzdik remiks" nominatsiiasynda marapatqa ie boldy. Imanbek "Gremmi" ataǵyna ie bolǵan alǵashqy qazaqstandyq atandy. Onyń trek nusqasy YouTube-te 145 millionnan astam qaraldy jáne U. S. Billboard Hot 100 reitinginiń bestigine kirdi.
