Foto: ashyq derekkóz
Pavlodar oblysynyń Aqsý qalasynda áiel adamdy óltirdi degen kúdikpen er azamat ustaldy. Bul týraly oblystyq politsiia departamenti málimdedi.
Áiel adamnyń máiiti tabylǵany jónindegi aqparat aldymen áleýmettik jelilerde, sonyń ishinde Telegram arnalarynda taraǵan. Habarlamaǵa sáikes, múrde Aqsý ferroqorytpa zaýytynan shamamen úsh shaqyrym jerde, qala baǵytyna qarai ornalasqan aýmaqtan tabylǵan.
Atalǵan derekke qatysty politsiia qylmystyq is qozǵady. Kúdikti ustalyp, ýaqytsha ustaý izoliatoryna qamaldy.
Quqyq qorǵaý organdary qazirgi ýaqytta oqiǵanyń barlyq mán-jaiyn anyqtaý úshin qajetti tergeý amaldaryn júrgizip jatyr.
