Jyl saiynǵy dástúrge sai «AQShYŃ» korporatsiiasy Abai atyndaǵy teatrda 500-den astam balaǵa Jańa jyl qýanyshyn syilady.
Shyǵys Qazaqstan oblystyq máslihatynyń depýtaty, Semei qalasynyń Qurmetti azamaty, «AQShYŃ» Korporatsiiasynyń prezidenti, belgili metsenat Marat Qurmanbaidyń demeýshiligimen júzege asqan sharada tái-tái basqan búldirshinderden bastap, on úsh jasqa deiingi urpaq býyny túgeldei qýanyshqa keneldi. Atap aitqanda, Marat Serikjanuly depýtat bolyp sailanǵan №20 sailaý okrýgi quramyndaǵy aýyl mektepteriniń oqýshylary, áleýmettik ortalyqtardan kómek alatyn balalar men ozat oqityn ul-qyzdar túgeldei engen.
Jańa jyldyq shyrshanyń ainalasyna jinalǵan balalar men ata- analar aqqala, órmekshi, meshin, taýyq keipindegi ertegi keiipkerleriniń Aiaz Ata men Aqshaqar kelgenge deiin qyzyqty karnaval kórinisin tamashalady. Án men bi almasqan dýmandy keshke arnaiy kelgen Shyǵys Qazaqstan oblystyq máslihatynyń depýtaty M. Qurmanbai kishkentailardyń qýanyshyn bólisti.
- Kishkentai búldirshinderimizdi qýanyshqa bóleý – barshamyzdyń paryzymyz. Óitkeni, olar elimizdiń erteńgi bolashaǵy,-dedi Marat Serikjanuly.-Sondyqtanda, balalar, sender de jaqsy oqyp, ata-analaryńdy árdaiym qýantyp otyryńdar. Ónerli de bilimdi bolyp ósseńder bizdiń elimiz de órkendei beredi. Jańa Jyl qýanyshtaryń qutty bolsyn, jaqsylyqtaryń jalǵasa bersin! Barlyqtaryńyzdyń otbasylaryńyzǵa kelgen jyldyń jaqsylyǵy kóp bolýyn tileimin!
Merekelik shara sońynda barlyq balalar men ata-analar Aiaz ata, Aqsha qarmen, ertegi keiipkerlerimen estelik sýretke túsip, «AQShYŃ» Korporatsiiasy tartý etken syilyqtar alyp, sheksiz qýanyshqa keneldi.
Sátjan Qasymjanuly,
Semei qalasy
Ult portaly
