QR Energetika ministri Bolat Aqsholaqov ortalyq kommýnikatsiialar qyzmetinde ótken brifingide Qashaǵan kenishinde munai óndirisi toqtap qalǵanyn teriske shyǵardy, dep habarlaidy QazAqparat.
«Iá, keshe internette sondai silteme tarady. Qashaǵan eshqandai eki ailyq jóndeý jumystaryna toqtamaidy. Ondaǵy josparly jóndeý jazǵa kózdelgen. Iaǵni, ol qazir shtattyq rejimde jumys istep tur. Aitqanymdai, №1 jyljymaly ailaq qondyrǵysy jumys istep ketse, sonshalyq qater tónbeidi. Aitarlyqtai kólem joǵaltpaimyz. Ol úshin kenishtiń jumysyn toqtatýdyń qajeti joq. Sondyqtan, qalypty shtattyq jumys júrip jatyr. Problemany sheshý kerek ekeni túsinikti. Bárimen jedel keńesip, túrli balama marshrýttardy pysyqtap jatyrmyz. Munyń bári - jumys sátindegi jaǵdailar. Qashaǵan toqtap qaldy dep aitýǵa kelmeidi. Muny rastamaimyz», - dedi ministr.
Onyń aitýyna qaraǵanda, Kaspii qubyr konsortsiýmy óziniń qýaty negizinde eki jyljymaly ailaq qondyrǵysymen jumysyn jalǵastyra beredi.
«Kaspii qubyr konsortsiýmy jalpy eki jyljymaly ailaq qondyrǵysymen-aq jumys istep turǵan. Bireýi árdaiym qazirgi siiaqty apat jaǵdaiyna dep rezervte turatyn. Eger 3 apta ishinde №2 nemese №3 ailaqty qatarǵa qosa alsaq, Kapsii qubyr konsortsiýmy qalypty jaǵdaidaǵydai jumysyn jandandyrady degen sóz. №1 jyljymaly ailaqpen, iaǵni bir ǵana ailaqpen munaidyń bir bóligin balama marshshrýttarǵa baǵyttap jumys istei alamyz. Dál qazir joǵaltatyn kólem kórip turǵan joqpyn. Qazir sanap, eseptep jatyrmyz. Bir ǵana ailaqpen jumys istegenniń ózinde biylǵa bekitken jospardy keiin qýyp jetýge bolady», - dedi Bolat Aqsholaqov.
