قر ەنەرگەتيكا مينيسترٸ بولات اقشولاقوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە قاشاعان كەنٸشٸندە مۇناي ٶندٸرٸسٸ توقتاپ قالعانىن تەرٸسكە شىعاردى, دەپ حابارلايدى قازاقپارات.
«يە, كەشە ينتەرنەتتە سونداي سٸلتەمە تارادى. قاشاعان ەشقانداي ەكٸ ايلىق جٶندەۋ جۇمىستارىنا توقتامايدى. ونداعى جوسپارلى جٶندەۋ جازعا كٶزدەلگەن. ياعني, ول قازٸر شتاتتىق رەجيمدە جۇمىس ٸستەپ تۇر. ايتقانىمداي, №1 جىلجىمالى ايلاق قوندىرعىسى جۇمىس ٸستەپ كەتسە, سونشالىق قاتەر تٶنبەيدٸ. ايتارلىقتاي كٶلەم جوعالتپايمىز. ول ٷشٸن كەنٸشتٸڭ جۇمىسىن توقتاتۋدىڭ قاجەتٸ جوق. سوندىقتان, قالىپتى شتاتتىق جۇمىس جٷرٸپ جاتىر. پروبلەمانى شەشۋ كەرەك ەكەنٸ تٷسٸنٸكتٸ. بەرٸمەن جەدەل كەڭەسٸپ, تٷرلٸ بالاما مارشرۋتتاردى پىسىقتاپ جاتىرمىز. مۇنىڭ بەرٸ - جۇمىس سەتٸندەگٸ جاعدايلار. قاشاعان توقتاپ قالدى دەپ ايتۋعا كەلمەيدٸ. مۇنى راستامايمىز», - دەدٸ مينيستر.
ونىڭ ايتۋىنا قاراعاندا, كاسپيي قۇبىر كونسورتسيۋمى ٶزٸنٸڭ قۋاتى نەگٸزٸندە ەكٸ جىلجىمالى ايلاق قوندىرعىسىمەن جۇمىسىن جالعاستىرا بەرەدٸ.
«كاسپيي قۇبىر كونسورتسيۋمى جالپى ەكٸ جىلجىمالى ايلاق قوندىرعىسىمەن-اق جۇمىس ٸستەپ تۇرعان. بٸرەۋٸ ەردايىم قازٸرگٸ سيياقتى اپات جاعدايىنا دەپ رەزەرۆتە تۇراتىن. ەگەر 3 اپتا ٸشٸندە №2 نەمەسە №3 ايلاقتى قاتارعا قوسا الساق, كاپسيي قۇبىر كونسورتسيۋمى قالىپتى جاعدايداعىداي جۇمىسىن جانداندىرادى دەگەن سٶز. №1 جىلجىمالى ايلاقپەن, ياعني بٸر عانا ايلاقپەن مۇنايدىڭ بٸر بٶلٸگٸن بالاما مارششرۋتتارعا باعىتتاپ جۇمىس ٸستەي الامىز. دەل قازٸر جوعالتاتىن كٶلەم كٶرٸپ تۇرعان جوقپىن. قازٸر ساناپ, ەسەپتەپ جاتىرمىز. بٸر عانا ايلاقپەن جۇمىس ٸستەگەننٸڭ ٶزٸندە بيىلعا بەكٸتكەن جوسپاردى كەيٸن قۋىپ جەتۋگە بولادى», - دەدٸ بولات اقشولاقوۆ.
