Zańger Aigúl Orynbek Qýandyq Bishimbaevtyń sotyna qatysty pikir bildirdi.
Zańgerdiń aitýynsha, Bishimbaevtyń oqiǵany baiandaǵany burynnan kele jatqan stsenarii. Bul politsiianyń únemi qoldanatyn stsenariii.
"Neke túni qaitys bolǵan qyz aiaǵy taiyp qulap, vannaǵa basyn soqqan edi, al Saltanatty bul joly týalette qulatypty. Bailar adam óltirse, sot pen tergeý osylai árbir detal ashyq aitylyp, uzaqqa sozylady. Qarapaiym adam óltirse, eshteńeniń anyq qanyǵyna barmai sottai salady", - dep jazdy Aigúl Orynbek.
Bishimbaevtyń soty ashyq ótkendigi durys boldy deidi ol. Aitýynsha, sot halyqtyń quqyqtyq saýatyn ashady.
"Bizdiń irip-shirip ketken júiede ózińdi qorǵaý úshin nege daiyn bolý kerek ekenin el kórý kerek osylai! Bizdiń elde sýdialar ózderin qudaidai sanaidy! Eger adamnyń artynda izdeýshisi joq bolsa, sol adamnyń taǵdyryn oirandai salady. Negizi sottardy osylai ashyq qoǵam talqysymen ótkizetin ýaqyt keldi.
Ásirese myna jemqorlyqqa jaqyn Shymkent qalasyndaǵy sottardy pilottyq jobada ashyq ótkizý kerek!", - deidi zańger.
Aitýynsha, adamdy sotqa shaqyrmai, sot kabinetine aryz tirkemei jatyp sot ótkizip, sottai beretin jaǵdailar kóp.
"Aqshasy, bilimi bar Núkenovalardyń ózderi ádildikke qalai jetip otyrǵanyn kórip otyrsyzdar! Al endi aqshasy joq qanshama qyzdar osylai aiaqtary taiyp qulap, nemese ózi asylyp ólip qaldy degen stsenariiimen qylmystyq ister jabylyp ketip jatqanyn oilai berińizder! Politsiianyń kesirinde qanshama maniak bostandyqta júr!", - deidi ol.
Aigúl Orynbek zorlanǵan, ólgen qyzdardyń isin kóteremin dep qýdalanyp, qysymǵa ushyraǵanyn aitady. Al bizdiń keibir pagon taqqan quzyrlylar qyz zorlaǵysh maniaktardy qoldaityn kórinedi.
"Al kórińder, bizdiń elde ádildik úshin kúresý ońai ma eken?", - dep qorytyndylady sózin ol.
