زاڭگەر ايگٷل ورىنبەك قۋاندىق بيشٸمباەۆتىڭ سوتىنا قاتىستى پٸكٸر بٸلدٸردٸ.
زاڭگەردٸڭ ايتۋىنشا, بيشٸمباەۆتىڭ وقيعانى بايانداعانى بۇرىننان كەلە جاتقان ستسەناريي. بۇل پوليتسييانىڭ ٷنەمٸ قولداناتىن ستسەنارييٸ.
"نەكە تٷنٸ قايتىس بولعان قىز اياعى تايىپ قۇلاپ, ۆانناعا باسىن سوققان ەدٸ, ال سالتاناتتى بۇل جولى تۋالەتتە قۇلاتىپتى. بايلار ادام ٶلتٸرسە, سوت پەن تەرگەۋ وسىلاي ەربٸر دەتال اشىق ايتىلىپ, ۇزاققا سوزىلادى. قاراپايىم ادام ٶلتٸرسە, ەشتەڭەنٸڭ انىق قانىعىنا بارماي سوتتاي سالادى", - دەپ جازدى ايگٷل ورىنبەك.
بيشٸمباەۆتىڭ سوتى اشىق ٶتكەندٸگٸ دۇرىس بولدى دەيدٸ ول. ايتۋىنشا, سوت حالىقتىڭ قۇقىقتىق ساۋاتىن اشادى.
"بٸزدٸڭ ٸرٸپ-شٸرٸپ كەتكەن جٷيەدە ٶزٸڭدٸ قورعاۋ ٷشٸن نەگە دايىن بولۋ كەرەك ەكەنٸن ەل كٶرۋ كەرەك وسىلاي! بٸزدٸڭ ەلدە سۋديالار ٶزدەرٸن قۇدايداي سانايدى! ەگەر ادامنىڭ ارتىندا ٸزدەۋشٸسٸ جوق بولسا, سول ادامنىڭ تاعدىرىن ويرانداي سالادى. نەگٸزٸ سوتتاردى وسىلاي اشىق قوعام تالقىسىمەن ٶتكٸزەتٸن ۋاقىت كەلدٸ.
ەسٸرەسە مىنا جەمقورلىققا جاقىن شىمكەنت قالاسىنداعى سوتتاردى پيلوتتىق جوبادا اشىق ٶتكٸزۋ كەرەك!", - دەيدٸ زاڭگەر.
ايتۋىنشا, ادامدى سوتقا شاقىرماي, سوت كابينەتٸنە ارىز تٸركەمەي جاتىپ سوت ٶتكٸزٸپ, سوتتاي بەرەتٸن جاعدايلار كٶپ.
"اقشاسى, بٸلٸمٸ بار نٷكەنوۆالاردىڭ ٶزدەرٸ ەدٸلدٸككە قالاي جەتٸپ وتىرعانىن كٶرٸپ وتىرسىزدار! ال ەندٸ اقشاسى جوق قانشاما قىزدار وسىلاي اياقتارى تايىپ قۇلاپ, نەمەسە ٶزٸ اسىلىپ ٶلٸپ قالدى دەگەن ستسەنارييٸمەن قىلمىستىق ٸستەر جابىلىپ كەتٸپ جاتقانىن ويلاي بەرٸڭٸزدەر! پوليتسييانىڭ كەسٸرٸندە قانشاما مانياك بوستاندىقتا جٷر!", - دەيدٸ ول.
ايگٷل ورىنبەك زورلانعان, ٶلگەن قىزداردىڭ ٸسٸن كٶتەرەمٸن دەپ قۋدالانىپ, قىسىمعا ۇشىراعانىن ايتادى. ال بٸزدٸڭ كەيبٸر پاگون تاققان قۇزىرلىلار قىز زورلاعىش مانياكتاردى قولدايتىن كٶرٸنەدٸ.
"ال كٶرٸڭدەر, بٸزدٸڭ ەلدە ەدٸلدٸك ٷشٸن كٷرەسۋ وڭاي ما ەكەن?", - دەپ قورىتىندىلادى سٶزٸن ول.
