Imidjdik sharalardan bas tartyp, oǵan ketetin qyrýar qarjy balalarǵa jumsalýy tiis. QR Balalar quqyǵy jónindegi ýákil Arýjan Sain osyndai másele kóterdi, dep habarlaidy "Ult aqparat".
«Balalar birin-biri sabap, kózin shyǵaryp, tipti bir-birin órtep jatqan jaǵdailar kezdesedi. Biri jan-janýardy, maldy qinap, ekinshisi tipti seksýaldyq áreketterimen kózge tústi. Ókinishke qarai, osylai ýaqyt ótkizip, qalyptasyp keledi. Al negizinen balanyń ýaqyty damý, órkendeý maqsatyna jumsalýy tiis. Iaǵni, bala óz ýaqytyn sportpen, ǵylymmen, ónermen ótkizýi tiis. Ózin-ózi jetildirý jolynda balaǵa qajettiniń bári qoljetimdi bolýy kerek. Ár aimaqta biznesti jumyldyrý jolymen Mádeniet úileri, cport sarailary, bilim berý uiymdarynda úiirmeler tolyqqandy jumys istep turýy kerek», - dedi Arýjan Sain OKQ-da ótken baspasóz máslihatynda.
Onyń aitýynsha, bul turǵyda bári tegin degen túsinik bolmaýy kerek. Sebebi, tegin degen sózdiń artynda búkil qazaqstandyqtardyń salyǵy jatyr.
«Biz, azamattardyń bári, salyq tólep jatyrmyz. Ol qarajat memlekettiń ieliginde. Qasym-Jomart Kemeluly da, Nursultan Ábishuly da qarajattyń halyqqa jetýi tiis ekenin aitqan bolatyn. Qarajatty imidjdik sharalarǵa, kontsertter men merekelerge jumsaýdy toqtatqan abzal. Onyń bárine qyrýar qarajat jumsalýda», - dedi ol.
Arýjan Sain osyǵan bailanysty jergilikti atqarýshy organdar men aimaq basshylaryna úndeý tastady.
«Qarjylyq saiasattty qaita qarap, mundai sharalardyń bárin qysqartyp, odan únemdelgen qarajatty balalarǵa jumsasańyzdar, bir jyldan keiin-aq balalar óner kórsetetin eń kórkem de úzdik sharalardy baqylai alasyzdar. Balalar ol sharalarda bir-birimen sportta, ónerde saiysatyn bolady», - dedi Arýjan Sain.
Onyń aitýynsha, bul baǵytta naqty jospar da bar.
«Biz Bilim jáne ǵylym ministrligimen balalardyń jan sanyna qarai qarjylandyrý boiynsha tyǵyz bailanysta jumys júrgizip jatyrmyz. Ol jospar boiynsha ár balaǵa kem degende eki úiirme qoljetimdi bolýy tiis. Osylai etsek, qarajat balalarǵa jumsalyp, ár bala súiikti isimen ainalysýǵa múmkindik alar edi», - dedi ol.
