Foto: Kapital.kz
Astana men Almaty qalalaryndaǵy aqsha aiyrbastaý pýnktterinde dollar 499 – 505 teńgeden saýdalanyp jatyr, dep habarlaidy Ult.kz.
Ulttyq banktiń 17 aqpanǵa usynǵan resmi baǵamy — bir dollarǵa 495,28 teńge. Resei rýbliniń ortasha saralanǵan quny — 5,44 teńge. Eýro — 518,41.
Kurs.kz málimetinshe, qazirgi ýaqytta Almatynyń aqsha aiyrbastaý pýnktterinde dollar 505 teńgeden satylyp jatyr, satyp alý baǵamy — 500 teńge. Eýro 522— 527 teńge aralyǵynda qubylyp tur.
Al, Astana qalasy boiynsha dollardy satý baǵamy — 505 teńge, satyp alý quny — 499 teńge. Eýro 526 teńgeden satylyp, 518 teńgeden satyp alynady.
Dál qazirgi ýaqytta aqsha aiyrbastaý oryndarynda Resei valiýtasy 5,32 - 5,44 aralyǵynda saýdalanyp jatyr.
Aita keteiik, 14 aqpan keshki saýda qorytyndysy boiynsha, dollardyń ortasha baǵamy 1,91 teńgege tómendep, 496,04 teńge bolǵan.
