AQSh jaǵalaý kúzeti Florida jaǵalaýynan 70 shaqyrymdai jerde aýdarylǵan qaiyqtaǵy 39 adamdy izdep jatyr. Bul týraly seisenbi kúni Twitter-de jariialanǵan jaǵalaý kúzeti málimdemesinde aitylǵan, dep habarlaidy QazAqparat.
Taralǵan aqparatqa sáikes, belgisiz bireý seisenbi kúni tańerteń quzyrly organdarǵa qaiyq batyp bara jatqanda aman qalǵan bir adamdy qutqarǵany týraly habarlaǵan. Qutqarylǵan adamnyń aitýynsha, qaiyqta taǵy 39 adam qalǵan, bular ótken senbide Bagam araldarynan shyqqan. Biraz ýaqyttan keiin olardyń qaiyǵy Florida jaǵalaýynan 70 shaqyrymdai jerde daýyl saldarynan aýdarylyp qalǵan.
«Izdeý sharasyna kóptegen qaiyqtar men ushaqtar tartyldy. Boljam boiynsha, qaiyq adamdardy zańsyz tasymaldaý úshin paidalanylǵan», delingen habarlamada.
