Qytai 5G salasynda kósh bastap tur, degenmen ázirge AQSh-tyń birneshe salada basymdyǵy bar. Geosaiasi ústemdik tehnologiialardaǵy progreske bailanysty bolyp turǵan qazirgi zamanda AQSh alda kele jatyr. Amerikalyq kompaniialar álemdegi eń jyldam kompiýterlerdi jasaidy, eń qabiletti robottardy shyǵarady, dep habarlaidy QazAqparat The Wall Street Journal silteme jasap.
«Qytaidyń damýshy ekonomikasy álemde ekinshi orynda tur. Al tehnologiiaǵa salynyp jatqan memlekettik investitsiialar AQSh-tyń múmkindikterin artqa tastaýda. Qytaidyń jetstikteri úshin Tramp bul memleketpen ekonomikalyq jáne saýda soǵysyn bastady. Koronavirýs pandemiiasy bul soǵysty qalai ózgertetini ázirge belgisiz. Degenmen, álemdik indet eki memleket arasyndaǵy básekeni álsiretken joq», - dep jazady basylym.
Avtordyń jazýyna qaraǵanda, eki memlekettiń básekesi eń aldymen 5G tehnologiiasyna bailanysty bolyp tur. AQSh pen Qytai arasyndaǵy tehnologiialyq kúres qalai ótip jatyr?
«Bas prokýror Ýiliam Barr aqpan aiynda AQSh-tyń 5G salasy qandai deńgeide ekenin aityp, Vashingtonǵa «Hýavei» «Nokia» jáne «Erikson» kompaniialaryna qarjylyq qyzyǵýshylyq týǵyzý kerek ekenin jetkizdi. Degenmen, Aq úi bul kompaniialardy satyp alýdan bas tartty. Al Barrdyń aitýynsha, Amerikada Hýaveige teń keletin kompaniia joq», - dep jazady avtor.
Onyń aitýynsha, 5G salasynda Qytai alda kele jatyr.
