قىتاي 5G سالاسىندا كٶش باستاپ تۇر, دەگەنمەن ەزٸرگە اقش-تىڭ بٸرنەشە سالادا باسىمدىعى بار. گەوساياسي ٷستەمدٸك تەحنولوگييالارداعى پروگرەسكە بايلانىستى بولىپ تۇرعان قازٸرگٸ زاماندا اقش الدا كەلە جاتىر. امەريكالىق كومپانييالار ەلەمدەگٸ ەڭ جىلدام كومپيۋتەرلەردٸ جاسايدى, ەڭ قابٸلەتتٸ روبوتتاردى شىعارادى, دەپ حابارلايدى قازاقپارات The Wall Street Journal سٸلتەمە جاساپ.
«قىتايدىڭ دامۋشى ەكونوميكاسى ەلەمدە ەكٸنشٸ ورىندا تۇر. ال تەحنولوگيياعا سالىنىپ جاتقان مەملەكەتتٸك ينۆەستيتسييالار اقش-تىڭ مٷمكٸندٸكتەرٸن ارتقا تاستاۋدا. قىتايدىڭ جەتستٸكتەرٸ ٷشٸن ترامپ بۇل مەملەكەتپەن ەكونوميكالىق جەنە ساۋدا سوعىسىن باستادى. كوروناۆيرۋس پاندەميياسى بۇل سوعىستى قالاي ٶزگەرتەتٸنٸ ەزٸرگە بەلگٸسٸز. دەگەنمەن, ەلەمدٸك ٸندەت ەكٸ مەملەكەت اراسىنداعى بەسەكەنٸ ەلسٸرەتكەن جوق», - دەپ جازادى باسىلىم.
اۆتوردىڭ جازۋىنا قاراعاندا, ەكٸ مەملەكەتتٸڭ بەسەكەسٸ ەڭ الدىمەن 5G تەحنولوگيياسىنا بايلانىستى بولىپ تۇر. اقش پەن قىتاي اراسىنداعى تەحنولوگييالىق كٷرەس قالاي ٶتٸپ جاتىر?
«باس پروكۋرور ۋيليام بارر اقپان ايىندا اقش-تىڭ 5G سالاسى قانداي دەڭگەيدە ەكەنٸن ايتىپ, ۆاشينگتونعا «حۋاۆەي» «نوكيا» جەنە «ەريكسون» كومپانييالارىنا قارجىلىق قىزىعۋشىلىق تۋعىزۋ كەرەك ەكەنٸن جەتكٸزدٸ. دەگەنمەن, اق ٷي بۇل كومپانييالاردى ساتىپ الۋدان باس تارتتى. ال بارردىڭ ايتۋىنشا, امەريكادا حۋاۆەيگە تەڭ كەلەتٸن كومپانييا جوق», - دەپ جازادى اۆتور.
ونىڭ ايتۋىنشا, 5G سالاسىندا قىتاي الدا كەلە جاتىر.
