Foto: AP Photo
Donald Tramptyń aitýynsha, eldegi sheteldikterdiń resmi sany 53 million adam — onyń sózinshe, bul adamdardyń basym bóligi áleýmettik qamsyzdandyrý esebinen ómir súredi jáne qolaisyz elderden keledi, dep habarlaidy Ult.kz.
"Migranttardyń naqty sany budan da kóp. Bosqyndar júktemesi – Amerikadaǵy áleýmettik disfýnktsiianyń negizgi sebebi, mundai jaǵdai Ekinshi dúniejúzilik soǵystan keiin bolmaǵan (mektepterdiń sapasynyń tómendigi, qylmystyń joǵary deńgeii, qalalardyń quldyraýy, aýrýhanalardyń tolyp ketýi, turǵyn úi tapshylyǵy, orasan defitsit jáne t.b.)", — dedi ol.
Tramp sondai-aq AQSh júiesiniń tolyq qalpyna kelýine múmkindik berý úshin "úshinshi álem" elderiniń barlyǵynan migratsiiany máńgi toqtatatynyn jazdy. Ol "Amerika Qurama Shtattaryna aiqyn paida ákelmeitin nemese bizdiń elimizdi súie almaityn" barlyq adamdy elden shyǵaratynyn aitty.
"Men bizdiń eldiń azamattary emes adamdarǵa barlyq federaldyq jeńildikter men sýbsidiialardy toqtatamyn, ishki tynyshtyqqa nuqsan keltiretin migranttardy azamattyqtan aiyramyn jáne qoǵamǵa aýyrtpalyq tóndiretin, qaýipsizdikke qater tóndiretin nemese batys órkenietimen úilespeitin kez kelgen sheteldik azamatty deportatsiialaimyn", — dedi ol.
