Illiýstratsiia: defense.gov
Ulybritaniia, AQSh jáne Aýstraliia AUKUS qorǵanys salasyndaǵy seriktestigi aiasynda elektrondy soǵys salasynda yntymaqtasýǵa kelisip, giperdybystyq qarý jasaityndaryn málimdedi, - dep habarlaidy Tengrinews.kz tilshisi Reuters agenttigine silteme jasap.
Bul týraly Ulybritaniia premer-ministri Boris Djonsonnyń keńsesi jańa qorǵanys aliansy basshylarynyń telefon arqyly sóileskeninen keiin habarlady.
Britan úkimetiniń veb-saitynda jariialanǵan el basshylarynyń úsh jaqty málimdemesinde AUKUS basshylary Boris Djonson, AQSh prezidenti Djo Baiden jáne Aýstraliia premer-ministri Skott Morrison kádimgi iadrolyq sýasty qaiyqtaryn qurý baǵdarlamasynyń júzege asyrylýyna riza ekeni aitylǵan. Aýstraliia jáne odaqtastar basqa salalarda yntymaqtasady.
"Búgin biz sondai-aq giperdybystyq, antigipersonikalyq jáne elektrondy soǵys múmkindikteri boiynsha jańa úsh jaqty yntymaqtastyqty bastaýǵa mindetteme aldyq. Bul bastamalar kibernetika, jasandy intellekt jáne kvanttyq tehnologiialar salasyndaǵy yntymaqtastyqty tereńdetý boiynsha qoldanystaǵy kúsh-jigerimizdi tolyqtyrady", - delingen habarlamada.
Osylaisha, kóshbasshylar erkin jáne ashyq Úndi-Tynyq muhity aimaǵyna degen adaldyqtaryn qýattady. Málimdemede Aýstraliia atomdyq sýasty qaiyǵyn jasaǵany da aitylǵan.
"Biz Aýstraliiamen iadrolyq qarýdy taratpaýdyń jahandyq rejimin nyǵaitatyn teńiz qozǵaltqyshy tehnologiiasyn almasýǵa senimdi tásildi ázirleýge tolyqtai daiynbyz", - delingen habarlamada.
