AQSh-tyń Memlekettik hatshysy Maik Pompeo Taiaý Shyǵysqa bes kúndik saparyn bastady, dep habarlaidy "Ál-Jazira".
Dúisenbide Maik Pompeo Izrailge keldi, bul – AQSh Memlekettik hatshysynyń Taiaý Shyǵysqa jasaǵan alǵashqy sapary. Kezdesýlerdiń negizgi kún tártibi Izraildiń BAÁ-men qarym-qatynasyn qalypqa keltirý, sondai-aq basqa arab elderin Izrailmen diplomatiialyq qatynastar ornatýǵa tartý bolady.
Tel-Aviv áýejaiyna AQSh týy beinelengen maska taǵyp túsken Pompeo Izrail premer-ministri Biniamin Netaniahýmen kezdesip, aldaǵy kúnderi Sýdan, Bahrein jáne BAÁ-ge barýy kerek.
Vashington men Tel-Aviv Izrail aimaqtyń basqa elderimen, sonyń ishinde Iranǵa qatysty ustanymdaryn qoldaityn eldermen qarym-qatynasyn qalypqa keltire alady dep úmittenedi.
«Ierýsalimde Pompeo men Netaniahý Irannyń yqpalyna, sondai-aq Izraildiń óńirdegi qarym-qatynasyn ornatýǵa jáne tereńdetýge bailanysty óńirlik qaýipsizdik máselelerin talqylaidy», dedi AQSh Memlekettik departamenti.
Sapar barysynda Pompeo prezident Donald Tramptyń aǵa keńesshisi jáne kúieý balasy Djared Kýshnermen birge júredi.
Eske sala keteiik, 13 tamyzda BAÁ men Izrail jaqyn arada elder arasyndaǵy qarym-qatynasty qalypqa keltirý týraly kelisimge qol qoiý nieti týraly habarlaǵan bolatyn. AQSh prezidenti D. Tramp kelisimdi «eki úlken dosymyzdyń arasyndaǵy tarihi beibitshilik kelisimi» dep baǵa berip, «úlken serpilis» dep atady. Palestina ákimshiligi kelisimdi qabyldamai, BAÁ-degi elshisin qaitaryp alatynyn jariialady. Buǵan deiin Taiaý Shyǵys elderiniń ishinde Izrail tek Egipet jáne Iordaniiamen beibit kelisimderge ie boldy.
