اقش-تىڭ مەملەكەتتٸك حاتشىسى مايك پومپەو تاياۋ شىعىسقا بەس كٷندٸك ساپارىن باستادى, دەپ حابارلايدى "ەل-جازيرا".
دٷيسەنبٸدە مايك پومپەو يزرايلگە كەلدٸ, بۇل – اقش مەملەكەتتٸك حاتشىسىنىڭ تاياۋ شىعىسقا جاساعان العاشقى ساپارى. كەزدەسۋلەردٸڭ نەگٸزگٸ كٷن تەرتٸبٸ يزرايلدٸڭ باە-مەن قارىم-قاتىناسىن قالىپقا كەلتٸرۋ, سونداي-اق باسقا اراب ەلدەرٸن يزرايلمەن ديپلوماتييالىق قاتىناستار ورناتۋعا تارتۋ بولادى.
تەل-اۆيۆ ەۋەجايىنا اقش تۋى بەينەلەنگەن ماسكا تاعىپ تٷسكەن پومپەو يزرايل پرەمەر-مينيسترٸ بينيامين نەتانياحۋمەن كەزدەسٸپ, الداعى كٷندەرٸ سۋدان, باحرەين جەنە باە-گە بارۋى كەرەك.
ۆاشينگتون مەن تەل-اۆيۆ يزرايل ايماقتىڭ باسقا ەلدەرٸمەن, سونىڭ ٸشٸندە يرانعا قاتىستى ۇستانىمدارىن قولدايتىن ەلدەرمەن قارىم-قاتىناسىن قالىپقا كەلتٸرە الادى دەپ ٷمٸتتەنەدٸ.
«يەرۋساليمدە پومپەو مەن نەتانياحۋ يراننىڭ ىقپالىنا, سونداي-اق يزرايلدٸڭ ٶڭٸردەگٸ قارىم-قاتىناسىن ورناتۋعا جەنە تەرەڭدەتۋگە بايلانىستى ٶڭٸرلٸك قاۋٸپسٸزدٸك مەسەلەلەرٸن تالقىلايدى», دەدٸ اقش مەملەكەتتٸك دەپارتامەنتٸ.
ساپار بارىسىندا پومپەو پرەزيدەنت دونالد ترامپتىڭ اعا كەڭەسشٸسٸ جەنە كٷيەۋ بالاسى دجارەد كۋشنەرمەن بٸرگە جٷرەدٸ.
ەسكە سالا كەتەيٸك, 13 تامىزدا باە مەن يزرايل جاقىن ارادا ەلدەر اراسىنداعى قارىم-قاتىناستى قالىپقا كەلتٸرۋ تۋرالى كەلٸسٸمگە قول قويۋ نيەتٸ تۋرالى حابارلاعان بولاتىن. اقش پرەزيدەنتٸ د. ترامپ كەلٸسٸمدٸ «ەكٸ ٷلكەن دوسىمىزدىڭ اراسىنداعى تاريحي بەيبٸتشٸلٸك كەلٸسٸمٸ» دەپ باعا بەرٸپ, «ٷلكەن سەرپٸلٸس» دەپ اتادى. پالەستينا ەكٸمشٸلٸگٸ كەلٸسٸمدٸ قابىلداماي, باە-دەگٸ ەلشٸسٸن قايتارىپ الاتىنىن جارييالادى. بۇعان دەيٸن تاياۋ شىعىس ەلدەرٸنٸڭ ٸشٸندە يزرايل تەك ەگيپەت جەنە يوردانييامەن بەيبٸت كەلٸسٸمدەرگە يە بولدى.
