AQSh-tyń halyqaralyq dini bostandyq jónindegi komissiiasy álemdegi dini bostandyqqa qatysty ahýal týraly dástúrli baiandamasyn jariialady. Bul týraly QR Prezidentiniń baspasóz hatshysy Berik Ýáli habarlady.
Komissiianyń baiandamasynda 2020 jylǵy álemdegi dini bostandyq týraly Memleket basshysy Qasym-Jomart Toqaevtyń dini bostandyq salasyn jaqsartý boiynsha oń ózgeristeri men bastamalary týraly jazylǵan.
19 qarashada Komissiia tóraǵasy Nadin Maenza men onyń orynbasary Nýri Týrkel «Qazaqstan Respýblikasynyń vizýaldy aqparat jáne dini qyzmet máseleleri jónindegi keibir zańnamalyq aktilerge ózgertýler men tolyqtyrýlar engizý týraly» QR Zań jobasyna jasalǵan biylǵy qarashadaǵy túzetýlerge resmi túsindirme joldady.
Komissiia tóraǵasy Nadin Maenza jáne onyń orynbasary Nýri Týrkeldiń atynan joldanǵan hatta dini senim erkindigi salasyndaǵy reformalarǵa turaqty beiildigi úshin elimizdiń Úkimetine rizashylyq bildirilgen. Bul dini qyzmetti retteý máselesine qatysty usynylǵan túzetýlerdi sholyp, qaita qaraǵan kezde elimizdiń beiildiligi taǵy da naqtylandy.
– Qabyldanyp jatqan reformalarǵa ýaqyt qajet ekenin moiyndai otyryp, qazirgi zańnamaǵa engizilmegen máselelerdi sheshý isin qosa alǵanda, biz, sizderdiń nietterińizdiń túzý ekenine senimdimiz. Usynylǵan túzetýler jobasy naqty ilgerileýdi bildiredi. Al bul jobalardyń jaqynda qaita qaralýy Komissiianyń, AQSh úkimetindegi áriptesterimizdiń jáne azamattyq qoǵamnyń kótergen máselelerin qarastyrýda Qazaqstan úkimetiniń shynaiy kúsh jumyldyrǵanyn kórsetedi, – delingen hat mazmunynda.
Sonymen qatar túsindirmede Qazaqstan men AQSh arasyndaǵy Dini bostandyq jónindegi saraptama jumys tobynyń aldaǵy otyrystary barysynda dini senimdi kemsitýshilikti qylmysqa sanaý jáne ony mindetti tirkeý máseleleri boiynsha birlesken dialogty jalǵastyrýǵa umtylatyny aitylǵan.
Sondai-aq, Qazaqstan Úkimeti men Komissiia arasyndaǵy jumys qatynastaryna joǵary baǵa berilgen.
