AQSh Qazaqstannyń ekologiialyq taza aýyl sharýashylyǵy ónimderine qyzyǵýshylyq tanytady. Bul týraly búgin Vashingtonda AQSh-tyń Qazaqstandaǵy Tótenshe jáne Ókiletti Elshisi Djordj Krol aitty, dep habarlaidy QazAqparattyń arnaýly tilshisi.
«Bizge sizderdiń ekologiialyq taza aýyl sharýashylyǵy ónimderińiz ben tehnologiialaryńyz qajet. Vashingtonǵa kelgeli esh jerden qymyz, shubat taba almadym. Men bul jerde ash júrmin. Jylqynyń eti de joq», - dedi Djordj Krol Qazaqstan Prezidenti AQSh-tyń iskerlik top ókilderimen kezdesýinen keiin qazaqstandyq BAQ ókilderine bergen suhbatynda.
Al AQSh Memlekettik hatshysynyń Aýǵanstan jáne Ortalyq Aziia jónindegi kómekshisiniń orynbasary Genri Ensher Amerikanyń aýyl sharýashylyǵy salasy óte joǵary deńgeide damyǵandyǵyn, Qazaqstanmen agroónerkásip kesheni tehnologiialarymen jáne jetistikterimen bólise alatyndyqtaryn aitty.
«Amerikalyq kompaniialar Qazaqstanǵa aýyl sharýashylyǵy ónimderin tek qana óndirip qana qoimai ony qaita óńdeýge de kómek bere alady. Sol arqyly ónimge qosylǵan qunyn arttyrýdy da qamtamasyz etetin bolady», - dedi Genri Ensher.
